Вакансія дня: захавальнік(-ніца) суслікаў

«Ахова птушак Бацькаўшчыны» (АПБ), афіцыйны прадстаўнік глабальнай прыродаахоўнай асацыяцыі BirdLife у Беларусі, шукае захавальніка(-ніцу) суслікаў у Нясвіжскім раёне, каб абараніць рэдкі від ад небяспек.

 

 

Рабы суслік ёсць адным з самых рэдкіх грызуноў Беларусі – ён уключаны ў нацыянальную Чарвоную кнігу. Суслік жыве на лугах, якія часта разворваюць мясцовыя жыхары. Гэтакім чынам у 2013 годзе пазапраўна была знішчаная апошняя вядомая вучоным калонія суслікаў у Беларусі. На шчасце, праз 7 год пошукаў эксперты АПБ здолелі адшукаць новыя калоніі звяркоў – у Нясвіжскім і Копыльскім раёнах.

 

 Што трэба будзе рабіць: 

штодзённа наведваць 5 калоній суслікаў і сачыць за іх станам;

дасылаць у АПБ фота калоній;

паведамляць пра магчымае разворванне ды іншыя пагрозы.

 Што патрабуюць: 

жыць у Нясвіжскім раёне;

мець машыну ці ровар, каб быць мабільным(-ай).


Праца будзе займаць каля дзвюх гадзін на дзень, а заробак вызначыцца ў выніку сумоўя.

Калі хочаш стаць аберагальнікам(-цай) суслікаў, да 24 сакавіка дашлі кароткую аўтабіяграфію і матывацыйны ліст дырэктару АПБ Аляксандру Вінчэўскаму vintchevski@ptushki.org.  


 Падрабязнасці