Вакансіі: vol.15

Ты можаш быць кім заўгодна і дзе заўгодна. Хочаш змагацца за правы чалавека ў Лондане, прымяраць на сябе бязважкасць у Тулузе, вучыцца ўрбаністыцы ў Маскве або збіраць тоны аскепкаў у Менску? Вырашай з гайдам па тваім кар’ерным шляху ад 34mag!

 

 

 

Касір-адміністратар. Менскі планетарый

 

Калі ты не толькі перакананы(-ая), што мы ўсе разам ляцім да зор, але і цяміш у касавай дысцыпліне, Менскі планетарый чакае на цябе. У апісанні вакансіі пазначана, што патрабуецца ўменне псіхалагічна правільна запрасіць кліента на паслугу, адказаць на пытанні і вырашыць любыя канфлікты, якія ўзнікаюць у працэсе правядзення мерапрыемстваў. Challenge accepted? Тады – да зор!

 

Асноўныя патрабаванні да касіра-адміністратара:

  вышэйшая або сярэдняя спецыяльная адукацыя (магчыма без стажу працы па профілі);

  веданне касавай дысцыпліны;

  узрост ад 22 гадоў;

  прыемная знешнасць;

  камунікабельнасць;

  праца на касе;

  кансультаванне кліентаў па тэлефоне аб паслугах;

  справаздачнасць, вядзенне дакументацыі.

 

Лакацыя: Менск.

Кантакты: Сайт | Пошта planetarium@belastro.net

 

 

 

Сацыяльны работнік. Беларускі дзіцячы хоспіс

 

Беларускі дзіцячы хоспіс адкрывае вакансію для ўсіх мяккіх сэрцам. Будзеш аказваць сацыяльна-бытавыя паслугі сем’ям, якія гадуюць безнадзейна і цяжка хворых дзяцей. Калі ты жывеш у Гродзенскай вобласці, акрамя горада Гродна, і хочаш рабіць свет крышачку лепш, звярні ўвагу на гэтую магчымасць.

 

Асноўныя патрабаванні да сацыяльнага работніка:

  арганізатарскія здольнасці;

  уважлівасць, чуласць, уменне слухаць;

  досвед працы ў аналагічнай вобласці;

  аказанне сацыяльна-бытавых паслуг сем’ям;

  прававая дапамога.

 

Лакацыя: Гродзенская вобласць.

Кантакты: Сайт | Пошта yulia.lazovskaya@gmail.com

 

 

 

Добраахвотнік для вывучэння бязважкасці.
Інстытут касмічнай медыцыны і псіхалогіі

 

Яшчэ адна касмічная вакансія. Навукоўцы з Тулузы вывучаюць, як уплывае працяглая бязважкасць на арганізм, і для гэтага запрашаюць добраахвотнікаў з выдатным здароўем. Адна з абавязковых умоў: плячо эксперыментатара заўсёды павінна дакранацца ложка, нават тады, калі ён ходзіць у прыбіральню. Калі ты даўно марыў паваляцца ў ложку цягам двух месяцаў і атрымаць за гэта € 16 000, чэкай патрабаванні і гоў рэгістравацца.

 

Асноўныя патрабаванні да добраахвотніка:

  мужчына ўзростам ад 20 да 45 гадоў, які не паліць;

  індэкс масы цела паміж 22 і 27;

  рэгулярная фізічная актыўнасць;

  выдатнае здароўе;

  адсутнасць алергіі і дыетычных абмежаванняў.

 

 Лакацыя: Тулуза.

Кантакты:  Сайт 

 

 

 

Дыспетчар аддзела турызму.
Нацыянальны аэрапорт «Менск»
 

 

Калі хочацца быць бліжэй да неба, але на борт самалёта працаваць з нейкіх прычын не ідзеш, вакансія дыспетчара аддзела турызму ў Нацыянальным аэрапорце – тое, што трэба. Рамантыка прафесіі крыху рассейваецца на фоне зменнага графіку працы: суткі працуеш – два дні адпачываеш.

 

Асноўныя патрабаванні да дыспетчара аддзела турызму:

  вышэйшая адукацыя (не студэнт);

  веданне англійскай мовы;

  валоданне камп’ютарам (Word, Excel, Internet);

  вопыт працы ў сферы турызму (пажадана);

  валоданне асновамі справаводства.

 

Лакацыя: Менск.

Кантакты: Сайт | Тэлефон +375 17 279 15 58

 

 

 

IT-рэкрутар. iTechArt

 

Пад слоганам «Remarkable People» у гэтай IT-кампаніі ўжо працуюць больш за 600 спецыялістаў. І ты можаш стаць тым/той, хто ханціць новыя светлыя галовы ў дзівосным свеце айці. Акрамя значных сацыяльных бенефітаў, прапануюць раскошны офіс у цэнтры, з канкурэнтаздольным відам на чыгуначны вакзал, настольны тэніс, Xbox і адыктыўна смачную каву з зефіркамі.

 

Асноўныя патрабаванні да рэкрутара:

  веданне англійскай мовы на ўзроўні не ніжэй за intermediate;

  вопыт працы ў сферы IT-рэкрутынгу не менш за 1 год;

  праца з бягучымі вакансіямі;

  разуменне працэсу пошуку спецыялістаў;

  уменне праводзіць тэлефонныя і фэйс-ту-фэйс інтэрв’ю;

  штотыднёвы рэпорт.

 

Лакацыя: Менск.

Кантакты: Сайт | FB | VK | Twitter | Instagram | Youtube 

 

 

 

Інтэрнэт-маркетолаг. Спецыяліст па продажах.
PR-менеджар. Talaka

 

Talaka – краўд-платформа, дзе рэалізуюцца праекты ад сацыяльна значных да творчых і прадпрымальніцкіх. Пры гэтым каманда «Талакі» – супольнасць неабыякавых людзей, якіх сапраўды штырыць ад таго, што яны робяць. Далучайся і ты: на выбар аж тры вакансіі!

 

Асноўныя патрабаванні да інтэрнэт-маркетолага:

  вопыт працы ў інтэрнэт-маркетынгу як мінімум 2 гады;

  праца з email-базай;

  даследаванне аўдыторыі платформы і яе сегментацыя;

  стварэнне маркетынгавай стратэгіі;

  вопыт вядзення сацсетак;

  уменне пісаць тэксты.

 

Асноўныя патрабаванні да спецыяліста па продажах:

вопыт працы ў продажах ад 2 гадоў;

  уменне выбудоўваць адносіны з кліентамі;

  вопыт падрыхтоўкі камерцыйных прапаноў;

  пошук фінансавых бізнэс-партнёраў;

  удзел у прыцягненні буйных мецэнатаў і філантропаў на Talaka.

 

Асноўныя патрабаванні да PR-менеджара:

вопыт працы ў сферы камунікацыі і рэалізацыі падзей ад 2 гадоў;

  шырокае кола знаёмстваў;

  вопыт напісання тэкстаў розных жанраў;

  вопыт рэалізацыі мерапрыемстваў рознага маштабу;

  прасоўванне, праца са СМІ;

  распрацоўка прома-акцый;

  арганізацыя мерапрыемстваў.

 

Лакацыя: Менск.

Кантакты: Сайт | FB | VK | Twitter | Instagram | Youtube | Пошта praca@talaka.by

 

 

 

Нарыхтоўшчык шклабою шкляной тары.
Менскі завод вінаградных він

 

Для моцных духам Менскі завод вінаградных він прапануе вакансію нарыхтоўшчыка шклабою шкляной тары. На працы будзеш збіраць тоны аскепкаў і эканоміць энергазатраты.

 

Асноўныя патрабаванні да нарыхтоўшчыка шклабою:

  вопыт працы не менш за год;

  наяўнасць аўтамабіля.

  нарыхтоўка шклабою ад насельніцтва,

  вядзенне ведамасцяў, праца з накладнымі,

  справаздача аб праведзенай працы.

 

Лакацыя: Менск.

Кантакты: Сайт | FB 

 

 

 

Інспектар аховы якасці. «А-100 Дэвэлапмент»

 

Сталічны забудоўшчык «А-100 Дэвэлапмент» шукае самага ўважлівага чалавека ever. Вакансія інспектара аховы якасці для тых, каго часта абвінавачваюць у перфекцыянізме і маніякальнай педантычнасці. Калі ты здольны(-ая) знайсці чорную котку ў цёмным пакоі і цвік на чорнай сцяне, дасылай рэзюмэ. Разлічвай на заробак ад BYN 1500.

 

Асноўныя патрабаванні да інспектара аховы якасці:

  вышэйшая альбо сярэдне-спецыяльная тэхнічная адукацыя;

  перфекцыянізм, уважлівасць;

  наяўнасць атэстацыі тэхнічнага нагляду;

  кантроль якасці будаўніча-мантажных работ;

  кантроль праектнай дакументацыі;

  арганізацыя працы тэхнічнага нагляду на аб’екце.

 

Лакацыя: Менск.

Кантакты: Сайт | FB | VK

 

 

 

PR-менеджар. Labs Publicity Group

 

Рэкламнае агенцтва Labs Publicity Group у пошуках піяршчыка, апантанага прафесіяй і камунікацыямі. Спецыяліст мусіць быць на ўсе рукі майстрам: не толькі піяршчык, але і рэдактар, журналіст, капірайтар ды SMM-спецыяліст. Калі ты ведаеш, як гэта ўсё працуе ў адной звязцы (і навошта), і разумееш, што піяршчык – гэта не той чалавек з келіхам шампанскага ў руцэ, які ўсміхаецца на фотастоках са здымкаў, дасылай ліст з расповедам пра сябе. Адразу папярэджваюць: начальнік не звер, але скрупулёзны і патрабавальны.

 

Асноўныя патрабаванні да PR-менеджара:

  бездакорная пісьменнасць;

  уменне пісаць і рэдагаваць тэксты;

  вопыт працы ў PR.

 

Лакацыя: Менск.

Кантакты: Сайт | FB | Instagram | Пошта ov@labs.by

 

 

 

 

Кантэнт-менеджар. Amnesty International

 

Amnesty International – сусветны рух за захаванне правоў чалавека. У каманду шукаюць спецыяліста, які будзе абараняць правы чалавека ў краінах былога Савецкага Саюза. Калі ты кароль/каралева камунікацый і ведаеш англійскую і рускую мовы на ўсе сто, мабыць, гэтая вакансія для цябе. З’едзеш жыць у Лондан, будзеш атрымліваць 4500 еўра ў месяц і бараніць правы чалавека – чым не жыццё мары?

Дэдлайн падачы CV – 29 красавіка.

 

Асноўныя патрабаванні да кантэнт-менеджара:

  выдатнае веданне рускай мовы;

  вопыт распрацоўкі камунікацыйных стратэгій;

  свабоднае валоданне англійскай мовай;

  веданне CMS, фотарэдактараў;

  выдатныя камунікатыўныя навыкі;

  здольнасць аналізаваць кантэнт;

  вопыт працы ў прыватным сектары або НДА;

  уменне працаваць з лічбавымі інструментамі.

 

Лакацыя: Лондан.

Кантакты: Сайт | FB | Twitter | Instagram

 

 

 

Стажор. Strelka

 

Канструктарскае бюро Strelka аб’яўляе набор у інтэрнатуру ў Маскве. Шукаюць таленавітых спецыялістаў: архітэктараў, аналітыкаў, сацыёлагаў, дэндролагаў, ландшафтных дызайнераў, урбаністаў. Абяцаюць выгадаваць сапраўдных профі. Стажыроўка аплачваецца і доўжыцца шэсць месяцаў. Калі паспяхова пройдзеш яе, цябе чакае амаль стоадсоткавае працаўладкаванне. Такі шанец на дарозе не валяецца: тэрмінова дасылай заяўку! Дэдлайн – 29 красавіка.

 

Асноўныя патрабаванні да стажораў:

  выпускнікі і студэнты старэйшых курсаў;

  магчымасць працаваць поўны працоўны дзень.

 

Лакацыя: Масква.

Кантакты: Сайт | FB

 

 

 

 

Project Manager/BA. GP Solutions

 

GP Solutions распрацоўвае тэхналагічныя рашэнні ў сферы турызму. Сярод кліентаў – тураператары, авіякампаніі ды турыстычныя агенцтвы. Працаваць проджэкт-менеджарам – гэта не толькі часаць сваё эга, але і атрымліваць бонусы ў выглядзе заняткаў англійскай, гнуткага графіку працы і крутых цім-білдынгаў. Цяпер ты ведаеш, што трэба рабіць.

 

Асноўныя патрабаванні да Project Manager:

  вопыт працы бізнэс-аналітыкам не менш за 2 гады;

  здольнасць рабіць функцыянальны аналіз;

  вопыт камунікацыі з менеджарамі праектаў і распрацоўшчыкамі;

  гатоўнасць здзяйсняць дзелавыя паездкі;

  стварэнне патрабаванняў для распрацоўкі праграмнага забеспячэння;

  даследаванне рынку;

  сувязь з кліентамі.

 

Лакацыя: Менск.

Кантакты: Сайт | FB | Twitter

 


КАМЕНТАРЫ (2)

Ev
Ev | 30.04.2017 03:49

Кассир в планетарии--звучит романтично, но как всегда реальная жизнь не такая. Вы будете сидеть в маленьком помещении без окон, но главное-очень и очень холодном и сыром. Продавать билетики и ощущать на себе всю прелесть постсоветского бюрократизма в госструктурах

4 0 +4
зорка Венера
зорка Венера | 5.05.2017 12:50

вы прекрасны!

1 0 +1