У воўчай скуры

Вольга Каскевіч, старшыня балотнага фронту «Багна», з’ездзіла на самую поўнач Беларусі, у Расонскі раён, і прывезла адтуль філасофскую аўдыяпрыпавесць пра ваўка. Але, хутчэй, пра нас з вамі ды пра нашае стаўленне да навакольнага свету. Туліся вухам бліжэй!

 

 

 

Дзякуй кампаніі Hindenburg Systems за прадастаўлены аўдыясофт.

   Вольга Каскевіч, стваральніца аўдыядакументалкі:

Мая гісторыя пра ваўка, пра людзей, якія яго захоўваюць, пра людзей, якія яго забіваюць. Гэта перапляценне розных поглядаў: вучонага-заолага Дзмітрыя Шамовіча, кандыдата біялагічных навук, які стаў важаком воўчай зграі, з якою жыве ўжо некалькі гадоў на поўначы Беларусі; этолага з Грузіі Ясона Бадрыдзэ, які вядомы тым, што жыў з ваўкамі ў лесе; і паляўнічых, для якіх паляванне на ваўка – штодзённая праца і спорт. Сярод маналогаў маіх герояў прабіваюцца ўрыўкі з кнігі канадскага пісьменніка, біёлага і этнографа Фарлі Моўэта «Не крычы: “Ваўкі!”», якая моцна паўплывала на мой аповед.

Воўк – драпежнік, якому ўжо даўно няма месца ў нашай краіне. У Беларусі сёння сур’ёзна не займаюцца даследаваннем ваўка, затое любяць яго адстрэльваць. У правілах палявання ён да сёння лічыцца непажаданым відам, а гэта фактычна азначае права на паўсюднае знішчэнне: воўка могуць забіць у любым месцы ў любы час без адмысловага дазволу. Гэты звер выжыў толькі з прычыны таго, што кемлівы і ў жыцці вельмі ўважлівы, з прычыны таго, што ўмее пазбягаць чалавека і хаваць сваё логавішча. У большасці выпадкаў стаўленне да ваўка традыцыйна негатыўнае. Ён успрымаецца як небяспечны драпежнік, які ўяўляе патэнцыйную пагрозу для людзей і хатніх жывёлінаў, а для паляўнічых ён галоўны канкурэнт у паляванні на дзікіх капытных жывёлінаў.

«Дзесьці на ўсходзе завыў воўк, нягучна, запытальна... Голас звера казаў пра згублены свет, які калісьці быў і нашым, пакуль мы, людзі, не абралі іншы шлях, каб у канчатковым выніку быць выгнанымі самімі сабой». Мая гісторыя – эмацыйны шлях вяртання да сябе, да свету, у якім людзі і ваўкі – раўнапраўныя жыхары прыроды.

 

 

Астатнія дакументалкі шукай тут.
Больш пра ваўкоў глядзі і чытай тут і тут.

 

Тэкст і аўдыя by Вольга Каскевіч
Джынгл by Антон Сарокін
 

КАМЕНТАРЫ (3)

Chykalau Kosta | 2016-12-30 23:37:38

классный аудио-подкаст!

Marec S.
Marec S. | 2016-12-26 22:41:27

Крутой рассказ, захлестнуло!

Владимирович | 2016-12-24 09:40:53

Ну да, лосей и косуль они спасли от волка, посчитали! А сколько сами на охоте убивают?! У хлеу, нах! Там еда!

КАМЕНТАВАЦЬ