«Толк»: новая адукацыйная прастора ў Гомелі

 Пачатак:   19:00.

 Адрас:   Гомель, вул. Працоўная, 7.

Уваход вольны!

Мерапрыемства ў Facebook

«Тэкст, па сваёй сутнасці, мастацкі твор са сваімі правіламі, таму аўтару даводзіцца пакідаць многае за кадрам. Адкрытыя інтэрв'ю – гэта магчымасць задаць пытанне герою асабіста і злавіць яго на слове. Акрамя таго, у Гомелі па-ранейшаму не так шмат месцаў, дзе маладыя людзі з падобнымі інтарэсамі могуць пазнаёміцца паміж сабой», – тлумачыць Наста Пісчанкова, адна з заснавальніц Journalkit.

«Толк-пляцоўка» павінна даць магчымасць чытачам не толькі чытаць, але і размаўляць з героямі матэрыялаў. У дзень адкрыцця ўваход бясплатны, у будучыні цана на мерапрыемства будзе складаць 5 BYN.

Пляцоўка безбар'ерная, таму ў людзей з інваліднасцю з'явіцца магчымасць пашырыць кола знаёмстваў. У якасці герояў будуць выступаць людзі са сферы навукі, культуры і іншыя фанаты сваёй справы. Прычым не толькі з Гомеля – з усёй Беларусі.

«Гэта новы фармат для нашага горада, нягледзячы на тое, што ў сталіцы ён даволі даўно паспяхова прыжыўся», – кажа Наста.

У дзень старту Наста Пісчанкова возьме інтэрв'ю ў эколага Дзімы Янкова, які ў 2009 годзе разам з сябрамі выкупіў усе дамы ў выміраючай вёсцы Чырвоны Кастрычнік у Рэчыцкім раёне. У 2014 годзе малады чалавек канчаткова пераехаў з горада і цяпер адкрывае грамадскую арганізацыю, каб стварыць моладзевае паселішча і ўвесці моду на эміграцыю ў вёску.

Таксама ў дзень адкрыцця госці змогуць задаць пытанне мастаку Сяргею Каўрыгу, якога майстры-пачаткоўцы называюць мясцовым Сальвадорам Далі.