Спакусы на VHS

Mustelide – сольны электронны праект Наталлі Куніцкай, створаны ў 2014 годзе. Грае эксперыментальную электроніку з выкарыстаннем шматслойных сінтоў, рытмаў і вакалу. У 2014-м спявачка выдала дэбютны альбом Secret, а напрыканцы красавіка 2016-га на лэйбле SunWoofer выйшаў ейны другі поўнафарматнік SPI. Сёння прэзентуем яе чацвёрты кліп – на песню «Rahat Lukum».

Mustelide: Гэтая песня – мой асабісты гімн геданізму, сімвал любых задавальненняў і прыемных штук. Песня пра тое, як можна любіць і шанаваць кожную дэталь свайго жыцця, нават такую, як рахат-лукум, як можна кайфаваць ад бяскрыўдных і трывіяльных рэчаў. Вось так я ўвесь трэк захапляюся гэтым мяккім усходнім пачастункам, але спадзяюся заклікаць слухачоў рабіць гэты трук не толькі з салодкім.

 

Чаму вы вырашылі супрацоўнічаць з Трэйсі?

Mustelide: Летам я грала DJ-сэт на тым самым дні народзінаў «Бассоты». Мой плэйліст складаўся з пераважна алдовага электра. І як я потым даведалася, яго пачуў Трэйсі, даўні прыхільнік такой музыкі. Пасля сэту мы пазнаёміліся, пачалі кантачыць, дзяліцца музыкай, увогуле наладзіўся добры канэкт. Ну і ў адзін цудоўны дзень ён піша мне, што робіць відэа на «Rahat Lukum», і гэтаму я была вельмі рада, ведаючы яго густ і падыход.

 

Лаві Mustelide на бліжэйшых канцэртах:
2 снежня – Масква, сольны канцэрт у «16 Тонн»
9 снежня – Кіеў, сольны канцэрт у клубе Mezzanine
11 снежня – Адэса, фестываль ODYSSEY у клубе More Music

 

Mustelide у сацсетках:
SNDCLD    FB   VK