Слова года: «таксічны»

Чаму «таксічны»? Здаецца, гісторыі пра таксікаманаў засталіся ў газетах, якія прадавалі «афганцы» ў электрычках у 96-м. Вось як тлумачаць свой выбар складальнікі рэйтынгу:

The Oxford Word of the Year 2018 is... pic.twitter.com/DotlZxxJVe

— Oxford Dictionaries (@OxfordWords) November 14, 2018

Зараз слова «таксічны» можна выкарыстоўваць для апісання ўсяго, ад чаго становіцца блага ў тым ці іншым маштабе:

  забруджванне асяроддзя;

  свежыя навіны;

  палітыка моцнай рукі, бясконцай нафты, Трампа, Пуціна ці Марын Ле Пэн;

  працоўны калектыў, у якім складана знаходзіцца без шкоды ўласнай самаацэнцы;

  фільм, пасля якога хочацца выблеваць увесь папкорн;

  лента Facebook, дзе беларусы б’юць рэкорды па ныцці;  

  мача, які запаўняе прастору сваёй квазісэксуальнасцю;

  маці, якая кажа, што сын сяброўкі не паліць і працуе ў прыгожым пінжаку;

  касірка, якая «вас многа, а я адна!»;

  etc.

Самы час пераслухаць хіт спявачкі, якая часцяком пакуецца ў рэхаб, каб пазбавіць сябе ад любові да таксічных рэчываў.

Нагадваем, што ў 2016-м словам года стала «постпраўда».