Медыялабараторыя 34mag і «Еўрарадыё» працягвае серыю афлайн-сустрэч, якія будуць ладзіцца ў Менску ды іншых гарадах Беларусі цягам гэтага года. Кожны наш прывоз – гэта нагода абмеркаваць набалелае пытанне альбо грамадскую з’яву.
Другім нашым госцем (пасля Андрэя Лашака) стане аўтарка відэаблога «Всё как у зверей» Яўгенія Ціманава, якая скамбінавала сваю цягу да біялогіі ды прафесійныя навыкі рэкламісткі, стварыўшы адно з самых папулярных відэашоу ў рунэце. Як сцвярджае Яўгенія ў адным з інтэрв’ю, ідэя шоу навеяна тым, што «біялогія – гэта ўніверсальная метафара ўсіх аспектаў чалавечага жыцця. Тое, што ты бачыш у чалавеку, ужо мае нейкую рыфму ў жывёльным свеце». Адзін з самых папулярных і неадназначных выпускаў праграмы завецца «Звярыны ашчэр патрыятызму», у ім можна знайсці тлумачэнне вытокаў патрыятычнай істэрыі, што накрыла нашу медыяпрастору ў апошнія два гады.
З лекцыяй па матывах гэтага выпуску пад назвай «Народжаныя альтруістамі: чаму нам выгадна дапамагаць адно аднаму» Яўгенія і завітае ў Менск. Што такое патрыятызм? Як мы вызначаем «сваіх» і «чужых»? Як маніпуляваць вялікімі масамі людзей, зыходзячы з іх пачуццяў? Пасля лекцыі можна будзе задаць вядучай свае пытанні.
Лекцыя Яўгеніі Ціманавай «Народжаныя альтруістамі: чаму нам выгадна дапамагаць адно аднаму» і дыскусія з аўтаркай адбудуцца ў бліжэйшую сераду, 20 траўня, у прасторы «ЦЭХ» (вул. Кастрычніцкая, 16). Пачатак а 19.00. Уваход вольны.
«При нынешнем росте цен на квартиры в Минске собрать нереально даже с моей зарплатой».
На «Першаку» выходзіць дэбютны сінгл гурта «Противофаза». Моцны, як сціснутыя зубы воўка, панк-рок – у трох хуках рэлізу.
Можна прыдумаць свежыя ідэі або дапрацаваць тыя, што ўжо круцяцца ў галаве.
Шукаем асабістыя радасці ў велічных залах.
Для ВІЧ-пазітыўных людзей, іх блізкіх і не толькі.
Размова пра дом, перфекцыянізм і працу з маркай Yves Saint Laurent.
Кактэйль з рамантычнай меланхоліі і пустэчы постапакаліпсісу.