Прэс-клуб запускае Медыяакадэмію

Медыяакадэмія Прэс-клуба – гэта не разавы курс або трэнінг, а навучальны цыкл: паўгода вучышся новаму, а потым пры жаданні вяртаешся зноў, каб даведацца пра нешта яшчэ. Кожны навучальны модуль будзе наладжаны як канструктар: базавы курс на шэсць дзён + трохдзённыя спецкурсы + краш-курсы на дзень. Графік заняткаў: чацвер, пятніца, субота.

Заяўкі на навучанне прымаюць да 10 сакавіка ўключна. Прэтэндэнтаў на стыпендыю просяць запоўніць форму па спасылцы.

Ужо ў  красавіку стартуе навучанне для менеджараў рэдакцый. У рамках першага патоку фокус зробяць на лічбавай дыстрыбуцыі і манетызацыі. Удзельнікі разбяруць існуючыя ў медыя бізнэс-мадэлі, прымераць іх да сваіх медыя, прааналізуюць, як яны звязаныя са стратэгіяй дыстрыбуцыі кантэнту.

На травень запланаваныя два спецкурсы ад запрошаных зорак «Кам'юніці-менеджмент» ад Лінор Гаралік, маркетолага, кансультанта па кантэнтным маркетынгу (Ізраіль), і «Дыстрыбуцыя кантэнту і SMM» ад Андрэя Бабарыкіна, медыяменеджара, аўтара Telegram-канала па дыстрыбуцыі медыя «Медиаборщ» (Украіна).

У траўні-чэрвені журналістаў запрашаюць на асноўны курс ад Алесі Герасіменка «Як пісаць, каб цябе чыталі».

Даведацца пра акадэмію больш можна на сайце Прэс-клуба.