Выйшаў падкаст пра тое, як паляпшаць свет праз падкастынг

Ля мікрафона – журналістка, падкастарка Дар’я Гадзейчык («Утульны горад», «За мяжой», «Гісторыя беларускага сэксу»); экаактывістка, падкастарка Аня Шагурына («Рабіць [не] перарабіць»); гукарэжысёр, сузаснавальнік «Беларускага падкаст хаба» Аляксандр Карнейчук.

Дар’я распавядае пра тое, як да яе прыйшла ідэя падкаста пра сэкс беларусаў у даўнія часы і як потым ёй прапанавалі рабіць у медыя пра Горадню шоу пра ўрбаністыку; як яна ўдасканальвала рэдактуру і мантаж падкаста «Утульны горад» і чаму падкасты – гэта найлепшы спосаб упакоўкі кантэнту.

Аня расказвае, як у межах яе праекта пра перапрацоўку смецця Travel and Recycle узнікла ідэя тэматычнага падкаста; што яе матывуе рухацца далей з тэмай, якая хвалюе далёка не ўсіх людзей на планеце; як яна знаходзіць цікавыя тэмы і персанажаў для новых выпускаў шоу.

Аляксандр, вядомы шмат каму па Radio Plato і як DJ KorneJ, даводзіць місію пляцоўкі беларускіх падкастаў і распавядае пра інструменты, што яна бясплатна ўручае падкастарам і падкастаркам, якія пачынаюць або працягваюць свой цярністы шлях да пераборлівай беларускай аўдыторыі.

  Слухай падкаст на ўлюбёнай пляцоўцы:

Apple Podcasts  /  Spotify  /  Soundcloud  /  Castbox  / 
/  Google Podcasts  /  Yandex.Music  /  YouTube