Усіх цікаўных запрашаюць на размову пра нейраадрознасць

На гэтай сустрэчы размова пойдзе пра тое, што карыснага для разумення сябе і свету можна знайсці ў крытычных даследаваннях нейраразнастайнасці. Сустрэчу правядзе Яна – сацыяльная антрапалагіня, якая вывучае перасячэнне нейраадрознасці, гендару і міграцыі ў беларускім кантэксце.

Вядоўца распавядзе пра агульныя тэрміны, а потым сфакусуецца на тэме сіндрому дэфіцыту ўвагі і гіперактыўнасці (СДУГ). «Мы абмяркуем, якія складанасці ёсць з медычным поглядам на ADHD, што цікавага пра гэта можна даведацца праз партысіпатыўныя даследаванні і якое гэта можа мець сацыянае значэнне», – пішуць у анонсе сустрэчы. І дадаюць, што спікерка падзеліцца ўласным досведам і прыкладамі з нядаўняга даследавання, якое ладзілася сярод людзей з Беларусі.

  На сустрэчу трэба зарэгістравацца праз гугл-форму.