34mag

Minsk Music Sessions: CherryVata

Рубрыка: MINSK MUSIC SESSIONS
18.08.2016
Аўтар: 34mag
10851

У заключнай у гэтым сезоне, дзясятай серыі праекту Minsk Music Sessions нашыя відэакантрыбутаркі забіраюцца ў самае котлішча менскай цішы – мікрараён Сцяпянка, дзе трэніруюцца рэгбісткі з каманды «Гражданочка». Героі сённяшняга выпуску – гурт CherryVata – прэзентуюць лайвам новую песню «Hollies», з якой на бэкстэйджы нават сабралі невялікі біток мясцовых аматараў жывога гуку.

Відэапраект Minsk Music Sessions – нашае даследаванне і актыўны ўдзел у гарадской прасторы Менска. Кожны тыдзень мы запісваем жывыя выступы актуальных і цікавых гуртоў у натуральных дэкарацыях горада. Дарэчы, сабралася ўжо салідная калекцыя.

Сёння мы падсумоўваем першы сезон праекту – легендарныя электронныя хамелеоны, гурт CherryVata, прэзентуюць сваю новую песню «Hollies», якую музыкі, акрамя Mirum Music Festival, яшчэ нідзе не гралі. Кампазіцыя сімвалізуе новую старонку ў жыцці групы: гучанне набывае ракенрольнае адценне, але застаецца такім жа лёгкім і празрыстым, як уся творчасць музыкантаў.

Месца – схаваны ад бурлівых хваляў горада стадыён у Сцяпянцы, дзе трэніруецца жаночая каманда па рэгбі «Гражданочка». Запіс лайву выклікаў шчырую цікаўнасць у жыхароў раёна, праз што і атрымаўся сапраўдны імправізаваны канцэрт!

Інфармацыйныя партнёры

Па пытаннях спонсарства праекту пішы на 34editors@gmail.com

Глядзі папярэднія часткі Minsk Music Sessions!

P.S. Прапаноўваем табе стаць неад’емнай часткай нашага шоу! Здымі ўласнае музычнае відэа любога фармату на вуліцах сталіцы, апублікуй яго ў Instagram ці Facebook з хэштэгам #minskmusicsessions – самаму крутому аўтару мы бясплатна здымем live-кліп!