34mag

Краявід: балоты Беларусі

02.02.2017
Аўтар: 34mag
7789

2 лютага адзначаецца не толькі Дзень сурка, але і Дзень водна-балотных угоддзяў. Разам з эка-актывістамі з «Багны» мы падрыхтавалі наш новы «Краявід», прысвечаны самаму глыбіннаму зрэзу нацыянальнай ідэнтычнасці – балотнаму лімба.

У гэты дзень, 2 лютага, у 1971 годзе была прынята Рамсарская канвенцыя – першая глабальная міжнародная дамова, цалкам прысвечаная аднаму тыпу экасістэм – водна-балотнаму. Канвенцыя была падпісана, каб захаваць птушыных братоў і сясцёр нашых меншых, ці, дакладней, месцы іх пражывання. На сённяшні момант у справе – 168 краін. Беларусь далучылася ў 1999 годзе. Каб прымкнуць да дамовы, неабходна мець на сваёй тэрыторыі хаця б адно ўгоддзе, якое б ахоўвалася Рамсарскай канвенцыяй. У нас цяпер іх 26, якія пакрываюць прыкладна 35% усіх балот Беларусі. Але яшчэ столькі ж біятопаў патрабуюць рэжыму спецыяльнай аховы.

Дзякуй грамадскай арганізацыі «Багна» і Інстытуту эксперыментальнай батанікі Акадэміі навук за ўдзел у падрыхтоўцы матэрыялу. Чэкай таксама краўдфандынгавую кампанію «Багны», якая збірае сродкі на выданне «Падарожнай кніжкі па балотах Беларусі». Больш падрабязнасцей шукай тут.

Факты by Косця Чыкалаў
Фота by Вольга Каскевіч