Краўдфандынг дня: форум пра біятэхналогіі

Сэнс форуму – у тым, каб пагаварыць пра здароўе і тэхналогіі не на птушынай мове вучоных, а так, каб было зразумела ўсім, каму гэта цікава. Ключавыя пытанні: «Ці застанецца ў нас хоць нешта чалавечае, калі мы адрэдагуем усё – ад генаў да эмоцый?», «Ці зменіць медычны прагрэс наша грамадства?», «Ці гатовыя мы да зменаў, якія ўжо адбываюцца?».

 Што заяўлена ў праграме? 

Лекцыя Уладзіміра Мацкевіча пра этычны высілак і культуру, круглы стол пра медычныя і сацыяльныя нормы (хто і як іх мяняе?), круглы стол аб праблемах біяэтыкі і новых уразлівых групах, паблік-ток з сацыёлагам Аксанай Луцкай, выстава «Мяжа чалавечнасці», чытка п’есы (драматург Дзмітрый Багаслаўскі, рэжысёр Аляксандр Марчанка), форум-тэатр ад «Крылаў Халопа» на тэму сурагатнага мацярынства.

 На што збіраюць грошы? 

На ўсё, што спатрэбіцца для правядзення выставы, на прывоз трупы «Крылы Халопа» з Берасця, на арэнду абсталявання для дыскусій, лекцый і тэатральных паказаў.

 Што прапануюць данатарам? 

Паштоўкі, блакноты, запрашальнікі на мерапрыемствы форуму, брошкі і экаторбы з выявамі антычных статуй. Таксама можна атрымаць кансультацыі экспертаў у сферы вірусалогіі, акушэрства ці сямейнага права.

 Падтрымаць