Каця Саковіч і Ала Алоэ выступяць на #34events
- Рубрыка: УЛОЎ
- 10.04.2018
- 10590
Працягваем цыкл лекцый і майстар-класаў ад знаўцаў сваёй справы. Нядаўна ў нашай прасторы .PUNKT выступалі пісьменнік Віктар Марціновіч, фатографка і дызайнерка Кася Сырамалот, выдавец Антон Кашлікаў, прамоўца Канстанцін Каверын і пакрокава распавядалі пра сваю дзейнасць, прафесійныя лайфхакі і неабходныя ўменні. Наступныя гераіні – дырэктарка крэатыўнага агенцтва getbob Каця Саковіч і прадзюсарка Ала Алоэ.
Каця Саковіч: «Як кіраваць крэатыўнымі камандамі?»
Каця Саковіч – дырэктарка крэатыўнага агенцтва getbob agency, выкладчыца блока «менеджмент» школы крэатыўнага мыслення «ИКРА», пераможца нацыянальнага адбору на конкурс Young Cannes Lions у катэгорыі PR. Рэалізавала больш за 200 праектаў з улікам інтэграваных кампаній для брэндаў velcom, kufar, Exponenta, А-100 і інш. Арганізатарка «Кніжнага клуба» і Swap-вечарынак па абмене адзеннем.
Мерапрыемства будзе карыснае кіраўнікам(-цам) праектаў з творчым складнікам, крэатыўшчыкам, рэкламістам, прадпрымальнікам і ўсім, хто хоча пачаць кар'еру ў крэатыўных індустрыях.
Калі: 19 красавіка
Пачатак: 19:00
Дзе: прастора .PUNKT (вул. Кастрычніцкая, 23а, 2 паверх).
Кошт: 20 BYN. У дзень мерапрыемства – 25 BYN.
З майстар-класа ты даведаешся:
Як перайсці ад ідэі да рэалізацыі?
Дзе знайсці каманду і як яе ўтрымаць?
Як кіраваць творчымі людзьмі?
На якія граблі наступаюць усе крутыя менеджары?
Як знайсці фінансавую падтрымку свайго праекта?
Як працуе каманда ў крэатыўным агенцтве?
Як перажыць масавы творчы крызіс?
Якія ёсць правераныя сучасныя тулы для кіравання праектамі?
Якія трэнды ўзнікаюць у крэатыўных індустрыях?
Ала Алоэ: «Чаму я ненавіджу працаваць піярніцай?»
Ала Алоэ – прадзюсарка і pr-менеджарка крэатыўнага агенцтва Pocket Rocket, арганізатарка арт-пікніка FSP Freaky Summer Party, сацыяльная актывістка. Досвед працы ў рэкламнай сферы – больш за 10 гадоў. Рэалізавала праекты для: Samsung, life:), Velcom, Альфа Банк, Kufar, Еўраопт, Лідскае, Мегатоп, Атлант і яшчэ 30+.
Мерапрыемства будзе карыснае ўладальнікам(-цам) малога і сярэдняга бізнэсу, супрацоўнікам(-цам) аддзелаў маркетынгу, арганізатарам мерапрыемстваў і студэнтам(-кам) спецыяльнасцяў, звязаных з медыя і журналістыкай.
Калі: 24 красавіка
Пачатак: 19:00
Дзе: прастора .PUNKT (вул. Кастрычніцкая, 23а, 2 паверх).
Кошт: першыя 10 (!) квіткоў – 15 BYN, наступныя – 20 BYN. У дзень мерапрыемства – 25 BYN.
На майстар-класе ты атрымаеш адказы на такія пытанні:
Партрэт ідэальнага pr-менеджара: хто ён такі?
З чаго варта пачынаць сваю кар'еру?
Soft skills pr-менеджара: чаму важна ўмець усё?
Чаму ўсе хочуць pr, але ніхто не хоча за яго плаціць?
СМІ vs Bloggers: хто круцейшы?
Як будаваць сяброўскія і дзелавыя сувязі са СМІ і блогерамі?
Якія вымераць эфектыўнасць pr?
Асаблівасці прасоўвання ў сферах: events, HoReCa, сацыяльныя праекты.
Self-pr – як прадаць сябе даражэй?