Hack the system
- Рубрыка: ВІЗУАЛ
- 25.07.2016
- 10586
Мы працягваем даследаваць навакольны візуальны свет, якія б ён формы ні прымаў. На гэты раз фортку ў сучарт прачыняе ўкраінскі мастак і фатограф Саша Курмаз, працы якога гулка пераклікаюцца з пратэстным запалам мінулых дзесяцігоддзяў.
Саша Курмаз, 30 гадоў
Нарадзіўся і жыве ў Кіеве. Ягоная хуліганская манера працы і цікавая эстэтыка інтэрвенцый зрабіла яму імя ў Еўропе. Дарэчы, ягоная выстава на мінулым тыдні адкрылася ў берлінскай арт-прасторы C/O Berlin. Саша працуе з разбурэннем межаў прынятага і дазволенага, аспрэчвае канс’юмерызм, змяняе гарадское асяроддзе і пераасэнсоўвае маладосць.
Мы выбралі два праекты Сашы, каб прэзентаваць на старонках 34mag і, можа, натхніць цябе на нешта экстравагантнае.
«Горад прызначаны быць месцам для жыцця, але капіталізм зрабіў з яго гета спажывання: паўсюль рэклама, офісныя і гандлёвыя цэнтры. Усе гэтыя фактары агрэсіўна душаць волю людзей, ператвараюць іх у бяздушных спажыўцоў, сляпыя біямашыны, якія толькі і робяць, што чакаюць на апошнія сезонныя прапановы», – так бачыць сённяшнюю сітуацыю Саша і робіць выклік для тых, хто хоча радыкальных пераменаў. Гэта больш чым фота – гэта інтэрвенцыя і ў той жа час мануал з простымі метадамі прамога дзеяння.
Гэты праект – інтымны дзённік Курмаза, спосаб узаемадзеяння са светам, які паказвае розныя эпізоды ягонага прыватнага жыцця.
Саша даследуе свет пачуццяў і думак, які ўзнікае на мяжы «Я» і «Іншыя», а таксама спосабы выказвання гэтых створаных ідэнтычнасцяў. Аўтар зацікаўлены ва ўнутраным свеце чалавека, сацыяльных і псіхічных выяўленнях. Ягоная асноўная мэта тут – паказаць, як фармуюцца асоба, сацыяльныя сувязі і адносіны паміж маладымі людзьмі ў сённяшнім постсавецкім соцыуме.
Чытаць яшчэ:
Breaking Pics
Разглядаем замалёўкі румынскага мастака, чый маркер вастрэйшы і хутчэйшы за зброю.
Doctor Oy і яго маркеры
Менскі ілюстратар – пра жаданне варушыць творчасць і бабкі, якіх няма.
«Каранцін» у «ЦЭХу»
З 15 па 31 ліпеня ў прасторы «ЦЭХ» пройдзе выстава «Каранцін» віцебскага мастака Кірыла Дзёмчава. Напярэдадні адкрыцця 34mag пагутарыў з галоўнымі героямі мерапрыемства і даведаўся, чым гіпсавы тлен лепшы за манументальнасць акрылу і ці карысна трапляць у ізаляцыю.
Дызайнерка Надзея Яхонт: «Я – амбасадарка настальгіі»
Аўтарка тваіх любімых мемаў – пра ганчарства, менталку і колер беларускага суму.
На галоўнай:
Ідзе набор на бясплатны курс па генеалогіі
Дзе шукаць звесткі пра сваякоў і як гэта ўсё кампанаваць?
Беларускія творцы бяруць удзел у варшаўскай выставе «Rewilding: дыханне паўзучых ценяў»
Пра ўзаемаадносіны чалавека і прыроды.
Змест: кніжныя навінкі і навіны восені
Чаканыя перавыданні і пераклады культавых тэкстаў.
КАМЕНТАРЫ (1)
Йо бич камоооон!