Эфіопскія іконы на Кастрычніцкай

«Калі мы адкрывалі кавярню, мы пачалі вывучаць каву, адкуль яна, традыцыі, звязаныя з тым рэгіёнам, – кажуць Аляксандр і Аганэс, уладальнікі кавярні. – Высветлілася, што зерне вырошчваюць у правінцыі Кафа, якая, апроч гэтага, мае багатую традыцыю візуальнага мастацтва. Узяць, напрыклад, эфіопскія маркі 1960-70-х гадоў. Мы зацікавіліся сярэднявечным артам, нам падалося гэта свежым і новым. У Эфіопіі гэтыя матывы вельмі папулярныя, іх паўсюль малююць, як фальклорнае мастацтва. Людзі часта пытаюцца, чаму мы малюем на рэлігійную тэматыку, але нам нават падабаецца, што гэта нешта немэйнстрымнае і нямоднае, хоць некаторыя і кажуць, што мы дзіўныя».

Ілюстрацыі рабіла мастачка Аліна Ліхадзіеўская, якая прыйшла ўладкоўвацца ў кавярню барыста. Хутка высветлілася, што маляваць у яе атрымліваецца значна лепей, чым запарваць каву. Праект цягнуўся з пачатку чэрвеня і завяршыццах на днях. Зацаніць жыўцом эфіопскія іконы можна ля кавярні Moby Dick па адрасе Кастрычніцкая, 16.