34 кліча цябе на інтэнсіў па працы медыя

23 і 24 сакавіка рэдакцыі 34mag і 34travel правядуць маштабны інтэнсіў аб працы сучасных медыя ў Беларусі.

 

У канцы сакавіка мы выходзім у афлайн, каб падзяліцца сваім вопытам працы ў медыя. Гэта двухдзённы івэнт для людзей, якія працуюць з тэкстамі ў любым іх выглядзе, а таксама для прадстаўнікоў свету рэкламы і проста тых, хто піша для ўласнага задавальнення і заробку.

Журналісты, журналісткі і капірайтары, капірайтаркі, студэнты і студэнткі медыйных напрамкаў, блогеры, блогеркі, SMM-шчыкі й SMM-шчыцы – усё для вас.

 

 Усяго – 30 месцаў.  Інтэнсіў будзе праходзіць 2 дні, з 10:00 да 17:00, з перапынкам на абед і невялікімі брэйкамі. Падрабязны расклад мы вышлем усім удзельнікам напярэдадні.

 Кошт усяго інтэнсіву:  69 BYN (першыя 10 месцаў), 79 BYN (астатнія).

 Квіткі:  bezkassira.by

Мы сябруем і з безнаяўнымі. Пішыце на 34editors@gmail.com.

 Пра што будзем гаварыць (на рускай мове): 

– Як дамагацца сваіх мэтаў з дапамогай тэкстаў?

– Як не стаць дрэнным аўтарам? Разбор самых частых памылак.

– Як весела пісаць пра тое, пра што ўсе астатнія пішуць сумна?

– Як пераадолець «крызіс аўтара»? Як знайсці тэму і свой вугал гледжання?

– Як раскрыць героя ў інтэрв'ю? Як узяць ідэальны каментар? Як атрымаць адказы на свае пытанні?

– Як наладзіць камунікацыю з рэдакцыяй? Як выбудаваць працу ў звязку «аўтар – рэдактар»? Як стаць добрым рэдактарам?

– Мова варожасці: як не нарвацца на цвікі ў лаўцы, якія ты пазбіваў сваімі рукамі?

– Чаму «прадавальных» тэкстаў не існуе? Як падаваць інфармацыю і прадаваць паслугі,
каб быць карысным і нікога не раздражняць?

– Бонусам: як (і навошта) напісаць кнігу? Як (і навошта) яе потым выдаць?

 

 

 Распавядаць будуць: 

 

Антон Кашлікаў

галоўрэд і выдавец праектаў 34, аўтар раманаў «Лузер» і «Былыя»

Лёша Горбаш

шэф-рэдактар 34mag.net, рэдактар The-Flow.ru

Юлія Міронава

рэдактарка 34travel.me

Маша Гуліна

рэдактарка 34travel.me і Bahna.land

Марыя Ярома

рэдактар спецпраектаў 34