34 Music Sessions: як гэта было?

У гэтым сезоне летняя музычная гісторыя ад 34mag працягнулася вялікім серыялам 34 Music Sessions. Мы вырашылі паказаць табе трохі бэкстэйджу (бо часам гэта самае цікавае) і ўзгадаць, як усё адбывалася.

 

 

 

Кася Сырамалот,

рэжысёрка 34 Music Sessions:

 

– У гэтым сезоне мы паставілі сабе задачу сумясціць актуальную беларускую музыку, якую мы лічым значнай і вартай, з атмасферай менскага лета 2017-га. Але здымкі музыкаў без публікі былі б не такімі жывымі, таму мы былі вельмі рады магчымасці запрашаць сяброў і проста мінакоў далучацца да аўдыторыі падчас запісу і здымак.

Я перагледзела мноства музычных відэа – і асноўным натхненнем сталі запісы з 1960-х і 1990-х – тых часоў, калі аўтэнтычнасць і атмасфернасць, можна сказаць «кіношнасць» панавалі і задавалі тон. У выніку мы вывелі для сябе формулу.

Па-першае, натуральная «трасучка» камеры і адчуванне, нібы ты сам глядзіш на ўсё вачыма аператара.

Па-другое, паказваць тое, што звычайна спрабуюць схаваць і што застаецца за кадрам, але так дадае жывасці і атмасферы, – усе правады і абсталяванне, часам спіны аператараў, планы з-за спінаў гледачоў і г.д.

«Я перагледзела мноства музычных відэа – і асноўным натхненнем сталі запісы з 1960-х і 1990-х»

Па-трэцяе, мне даўно хацелася здзейсніць такі эксперымент з доўгімі планамі, калі мантаж адбываецца непасрэдна на пляцоўцы і ў галаве аператара, з мінімумам «катаў» пасля. Гэта патрабуе любові аператараў да музыкі, вялікага майстэрства і адчування моманту. І вельмі прыемна, што мара здзейснілася – з дапамогай хлопцаў з Nota Kitchen (Лёша WarGun, табе персанальная падзяка) у нас атрымалася цалкам адмовіцца ад традыцыйнай для запісу ўсіх музычных сэшнс статычнай камеры і сканцэнтравацца на атмасферы.

Так, мы часта чулі каментары пра тое, што «так звычайна не робіцца», але ж на тое мы і 34, а не тэлебачанне, каб спрабаваць зрабіць немагчымае, і, нечакана для нас, з кожным выпускам стала атрымлівацца ўсё лепей. Для атмасфернасці і адчування жывога канцэрту ў нас былі гледачы, але галоўным быў усё ж такі відэапрадукт, таму для нас істотна было рабіць ролікі такімі, каб, гледзячы іх, стваралася ўражанне, што ты сам знаходзішся на месцы здымкаў побач з музыкамі, а яны спяваюць адмыслова для цябе. Менавіта таму прысутнічае пэўная сюжэтнасць і сцэнарнасць, наўпроставая праца на камеру і мантаж з некалькіх дубляў.

Наконт выбару музыкаў – мы сутыкнуліся з тым, што ў Беларусі вельмі мала камерцыйнай музыкі, затое можна дакладна вызначыць дзве плыні. Першая – музыка аўтэнтычная і часам такая, якую немагчыма ўпісаць у межы стыляў. А таксама, на жаль, у нас пакуль што вельмі шмат другаснай музыкі, якая вельмі спрабуе быць кімсьці ці чымсьці, толькі не сабой.

Мы стараліся выбіраць музыку аўтэнтычную, каб пэўным чынам натхніць пачаткоўцаў і зрабіць злепак з таго добрага, што ёсць у нас на дадзены момант. Таму побач з карыфеямі – «ЛСП», «Касіяпеяй», Сяргеем Міхалком і «Дай Дарогу!» – у нас з’явіліся Аня Жданава, Taran Trio, Intelligency, By Soulfam, Deech, а асабіста для мяне вішанькай на торце былі Wasp’n’Hornet – гурт, якога на дадзены момант не існуе, але для поўнай карціны ён быў проста неабходны, і, на шчасце, нам удалося ўгаварыць музыкаў сабрацца, каб запісаць магію. Вядома, у 10 серый усіх не змесціш, але ў нас ёсць ідэі для наступных сезонаў, а ў многіх артыстаў, спадзяюся, ёсць час знайсці сваё гучанне.

 

 

 

 

Антон Кашлікаў,

прадзюсар 34 Music Sessions:

 

– Для мяне 34 Music Sessions апынуўся адным з самых вялікіх, складаных і цікавых праектаў, якія мы рабілі. Нядаўна я падлічыў, што непасрэдна над арганізацыяй здымак і прадакшнам працавала больш за 40 чалавек – і гэта я, вядома, не лічу музыкаў і гледачоў.

Фактычна ўсё лета складалася з ліставання і тэлефонных размоў – з артыстамі, пляцоўкамі, гукавікамі, менеджарамі артыстаў, менеджарамі гукавікоў, зноў з артыстамі і пляцоўкамі. З тымі ж «ЛСП» ці Brutto, напрыклад, мы пачалі размову пра ўдзел у праекце яшчэ ў мінулым годзе.

Мне здаецца, правільна ўспрымаць 34 Music Sessions як сапраўдны серыял, які складаецца з эпізодаў, мае сваю логіку развіцця, герояў першага і другога плану, чырвоныя нітачкі, якія звязваюць усё шоу ў адзінае цэлае. Ёсць фішачкі, якія зможа разглядзець толькі ўважлівы глядач.

Яшчэ гэта, канечне, гісторыя пра ўзаемадзеянне з горадам і нават трошкі пра інтэрвенцыю. Самая вясёлая здымка, як для мяне, – гэта «Касіяпея» на плошчы Свабоды. Самая рок-н-рольная – Wasp'n'Hornet & Groove Dealers на тэрасе «Хулігана». Самая кранальная – «ЛСП» у новым фармаце. Да таго ж гэта была адна з апошніх прац, калі не апошняя, Ромы Англічаніна, які зводзіў гук для трэка, што гучыць у відэа.

«З тымі ж “ЛСП” ці Brutto, напрыклад, мы пачалі размову пра ўдзел у праекце яшчэ ў мінулым годзе»

 

 

 

 

Аня Буглакова,

брэнд-менеджар Beefeater:

 

– Beefeater – гэта сучасны, крэатыўны і смелы брэнд, які пры гэтым з'яўляецца ўвасабленнем традыцый і гісторыі Лондана. Да таго ж гэта адзіны ў свеце джын, вытворчасць якога да гэтага часу знаходзіцца выключна і толькі ў Лондане – у горадзе, у якім брэнд і быў створаны.

Чаму Beefeater і 34 Music Sessions? Таму што гэта гісторыя пра родныя гарады, пра іх разнастайнасць і энергію, пра людзей і настроі, пра гарадскія гукі і вібрацыі. У ходзе праекта ствараліся маленькія эпіцэнтры жыцця Менска, а брэнд з'яўляўся іх часткай, частуючы гасцей кактэйлем Beefeater & Tonic – класічным напоем, каб не ўскладніць, а падкрэсліць навакольную атмасферу.

Для мяне гэты праект пра любоў да горада, калі ўсе складнікі зліваюцца ў адно цэлае і ты проста атрымліваеш асалоду ад таго, што адбываецца вакол, радуешся ўжо знаёмым месцам і выканаўцам і з задавальненнем адкрываеш для сябе новае.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Усе выпускі 34 Music Sessions:
 

 

 

 

 

 

 

Фота by Таня Капітонава, palasatka

Кароткі нарыс гісторыі Foundamental Network

Кароткі нарыс гісторыі Foundamental Network

Ад вечарын інтэлігентных панкаў да Boiler Room і маштабнага фестывалю эксперыментальнай электронікі.

Slow Rave Party: (((O))) (Live), Ponty Mython (LT)

Slow Rave Party: (((O))) (Live), Ponty Mython (LT)

6 красавіка – новая «першакоўская» вечарына! На ёй выступіць гомельскі электроншчык (((O))) і літоўскі дыджэй Ponty Mython.

Как записать классный микс: 15 советов от диджеев

Как записать классный микс: 15 советов от диджеев

Краткий мануал о том, как не накосячить в своем миксе и выстроить цельную музыкальную историю.

10 актуальных квир-музыкантов

10 актуальных квир-музыкантов

Arca, Terre Thaemlitz, Rrose и еще семь музыкантов, которые высказываются на ЛГБТ-темы в своем творчестве.

Чего хотят «Порнофильмы»?

Чего хотят «Порнофильмы»?

Большое интервью с солистом панк-группы Владимиром Котляровым о патриотизме, краудфандинге и переменах, которых требуют наши сердца.

Новые альбомы: «Кровосток», «СБПЧ», The Weeknd и MF Doom

Новые альбомы: «Кровосток», «СБПЧ», The Weeknd и MF Doom

11 лучших пластинок последней недели марта.

10 украинских артистов «новой волны»

10 украинских артистов «новой волны»

Что послушать из современной украинской музыки – советует «Пяршак».

Как записать трек с Deech

Как записать трек с Deech

Подробно рассказываем (и показываем), как беларусский электронщик Дима Deech создает свои треки. Бонус – новый тречок «Pump That Purple»!

Nizkiz: вялікі канцэрт у Re:Public

Nizkiz: вялікі канцэрт у Re:Public

Магілёўскі рок-гурт Nizkiz сабраў поўны Re:Public – зафіксавалі гістарычную падзею.