SnopSnoŭ выпусцілі сінгл «Chałodnaje Serca»
Беларускі гурт SnopSnoŭ выпускае песню «Chałodnaje Serca» – змрочны трэк, зроблены са яркай электронікі.
За плячыма ў пераможцаў «Басовішча» лонгплэй «Tancplac» і EP «Špijony». Цяпер група стварае другі поўнафарматны альбом і прэзентуе цягучую песню, насычаную сінтэзатарнымі пульсацыямі і электроннымі рытмамі. Спампаваць сінгл можна па спасылцы.
SnopSnoŭ пра рэліз:
«Гэтая песня шмат у чым для нас першая: першая ў абноўленным складзе, першая, да якой мы выкарысталі жывыя бубны. Увогуле, гэты трэк з небыцця выцягнуў наш новы басіст Максім, які прыйшоў улетку і адразу спытаў, чаму мы не граем такі клевы трэк. І мы пачалі думаць – а сапраўды, чаму? Так ён вярнуўся ў наш канцэртны сэт-ліст і стаў сінглам».
Словы і музыка – SnopSnoŭ.
Склад: Сяргей Іваноў – вакал, сінты, электроніка; Раман Жарабцоў – гітара, сінты; Максім Казакевіч – бас; Іван Зямскоў – бубны, электроніка.
Запіс – Boiling Point Studio.
Звядзенне і майстарынг – Раман Жарабцоў.
Вокладка – Маргарыта Лазоўская.
