Змрочны «Petit Oiseau» мусіць абазначыць новы паварот у творчасці мастачкі і музыкі, а французская мова абраная для таго, каб стварыць атмасферу таямнічасці і сэнсавай шматузроўневасці, надаўшы гучанню асаблівую элегантнасць.

«Гэтая песня – свайго роду код, зашыфраванае пасланне, якое можна прачытаць рознымі спосабамі, – кажа Анастасія. – Яе тэкст нагадвае шпіёнскі дзённік або запіс з архіва таемнай арганізацыі. Гэта гульня ў кошкі-мышкі паміж двума постацямі, якія могуць быць кім заўгодна: агентамі разведкі, паляўнічым і здабычай, штучным інтэлектам і чалавекам, богам і смяротным.

Лірычны герой песні балансуе на мяжы – ён баіцца адкрыць тое, што хавае ўнутры, таму што ведае: калі гэта выйдзе вонкі, наступствы будуць разбуральнымі. Магчыма, гаворка ідзе не пра пачуцці, а пра веды, якія нельга агучваць, або пра таямніцу, што павінна застацца забытай. Мяжа паміж праўдай і хлуснёй размытыя, апантанасць можа ахапіць розум, нават калі чалавек з усіх сіл спрабуе гэтаму супрацьстаяць».

  Спасылка на стрымінгі – вось. Таксама можна ацаніць кліп на кампазіцыю:

 

 

Відэа рэжысаваў музыка, аўтар падкаста Palatá і менеджар Анастасіі Ілля Trince. Для Іллі «Petit Oiseau» – дэбют на ніве кліпмэйкінгу.

«Калі я слухаю песні, я часта думаю пра тое, як яны могуць выглядаць, – кажа Ілля. – Раней я складзіраваў гэтыя візуальныя вобразы ў сваёй свядомасці да лепшых часоў, а тут, дзякуючы даверу Анастасіі, вырашыў дзейнічаць. Спачатку у мяне былі толькі адчуванні: тое, што я чую, гучыць на мяжы нармальнасці і ненармальнасці, прыгожа і адначасова дыскамфортна, пужае і зачароўвае. Гэта была аснова, ад якой я выбудоўваў сваё выказванне, а яго інтэрпрэтацыю я пакіну свабоднай для гледачоў і глядачак кліпа».

 

 

«Petit Oiseau» – апошні сінгл з трэцяга альбома Анастасіі Рыдлеўскай, які выйдзе ў канцы сакавіка. Плануюцца прэзентацыі альбома ў Гданьску і Варшаве.