Рэйвы Bassota перазапускаюцца ў Варшаве
15 лютага ў прасторы Kwadrat Praski адбудзецца рэйв BASSOTA 2.0. Арганізатары спадзяюцца, што гэта «стане працягам легендарных менскіх тусовак», але ўжо з новай энергіяй і свежымі імёнамі.
Рытм раздадуць Dj Kavkaz, The 3D, Kipah, Holly Molly, Zamocno, Sneakky.
На ўваходзе квіткі прадаваць не плануюць. Набыць іх можна толькі анлайн – па спасылцы. Кошт – ад 75 злотых (€ 18).
Адрас пляцоўкі: Szwedzka 2/4/hala numer 9 i 17.
Нагадаем, што рэйвы Bassota, дзе гучыць bassline, dubstep, neurohop, juke, garage, hip-hop, grime і чаго толькі яшчэ не, праводзіліся ў Менску ў розных фарматах. Напрыклад, на 23 лютага ў 2019 годзе арганізатары зладзілі маскарад, які назвалі «Дурка». Таксама «Басота» вядомая сваімі «Імянінамі» – гэта шматгадзінныя тусоўкі, якім адзначаўся дзень народзінаў варушняку. На «Першаку» выходзіў фотарэпартаж 40-гадзіннага рэйва на чацвёртую гадавіну «Басоты» – можна паглядзець і адчуць, як гэта было.
