Крытычна ведаць

 На ровары ты можаш ехаць па роварнай сцежцы, калі яе няма – па ўзбочыне, ходніку ці пешаходнай сцежцы. Калі і гэтага няма, ты можаш рухацца па дарозе, але не выязджаць на праезную частку далей за 1 м ад яе правага краю.

 Сітуацыю з роварамі на дарозе каментуе Павел Гарбуноў з «Менскага роварнага таварыства»: «Правілы дыктуюць, што пры адсутнасці магчымасці рухацца па ходніку, пешаходнай сцежцы ці ўзбочыне дапушчальны рух раварыстаў па праезнай частцы дарогі не далей за 1 м ад яе правага краю. Але сам тэрмін «немагчымасць рухацца» ніяк не раскрываецца. У горадзе ёсць некаторыя абазнаныя раварысты, якія ведаюць, што змогуць адстаяць сваю пазіцыю перад ДАІ. Але 99 % менчукоў з роварамі ўсё ж такі абіраюць ехаць па ходніках. У правінцыі трошку прасцей, бо самі працаўнікі ДАІ ведаюць сітуацыю на дарогах і з разуменнем ставяцца да раварыстаў. Пазіцыя нашага таварыства палягае на тым, што менавіта сам раварыст мусіць вырашаць, дзе бяспечней рухацца для яго, пешаходаў і астатніх удзельнікаў дарожнага руху. Мы змагаемся за тое, каб існую версію ПДР перагледзелі згодна з агульнасусветнымі стандартамі».

  Не стварай небяспекі для пешаходаў: не віхляй на хуткасці, трымайся бліжэй да праезнай часткі, асцярожна едзь побач з дзецьмі. Будзь ветлівы і дзякуй пешаходам, якія саступаюць дарогу.

  Калі на дарозе ўзнікла перашкода, ты маеш права аб’ехаць яе, выехаўшы далей за 1 м ад правага краю праезнай часткі. У дазволеных выпадках можна паварочваць налева ці разварочвацца.

  Калі ты пераязджаеш дарогу па пешаходным пераходзе, трэба злезці ды везці ровар побач з сабой.

  Па праезнай частцы можна ехаць групаю да 10 чалавек. Калі вас болей – трымайцеся адлегласці не меншай за 100 м паміж групамі.

  На любым, калі ён спраўны, то бок: калі спраўна працуе тармазная сістэма, рулявое кіраванне і гукавы сігнал, напампоўка шынаў у норме, калодкі прыдатныя, сядло роўна і надзейна замацаванае на адпаведнай вышыні, перадачы пераключаюцца плаўна, без высілкаў.

  На скрыжаваннях дзейнічай згодна са звычайнымі правіламі прыярытэту.

  Адпускаць руль і здымаць ногі з педаляў.

  Паварочваць налева і разварочвацца на шматпалоснай дарозе ці на дарозе, дзе ходзяць трамваі.

  Ехаць па снезе і галалёдзіцы.

  Правозіць пасажыраў і грузы большыя на 0,5 м за габарыты ровара. Дзяцей да 7-мі гадоў можна перавозіць толькі на адмыслова абсталяваным дадатковым сядзенні.

  Рухацца па аўтамагістралі.

  Карыстацца тэлефонам без гарнітуры хэндз-фры.

  Спыненне – паднятая ўверх рука. Паварот ці перастраенне направа – выцягнутая правая рука, налева – выцягнутая левая.

  Можаш атрымаць папярэджанне ці штраф ад 1-ой да 3-ох базавых велічыняў, то бок ад Br 210 да 630 тыс.

  Апошнюю пятніцу кожнага месяца раварысты па ўсім свеце масава выязджаюць на вуліцы свайго гораду, каб папулярызаваць роварны транспарт, звярнуць увагу на хібы транспартавай палітыкі, экалагічнай сітуацыі, а таксама дамагчыся ўзаемнай павагі на дарогах. «Крытычная маса» ўзнікла ў Сан-Францыска больш за 20 гадоў таму. У Менску першы велапрабег адбыўся ў 2004-ым.

  Па-першае, у сацыяльных сетках цяпер праходзіць акцыя. Ты можаш зрабіць фота з роварам і плакатам «Я таксама крытычная маса» і выкласці яго ў свае сеткі з хэштэгам #ятожекритическаямасса.

  Па-другое, ты можаш распаўсюджваць інфармацыю пра выпадак па сваіх каналах. Важна, каб пра яго даведалася як мага больш людзей не толькі ў Беларусі, але і па-за межамі.

  Калі ты рэпрэзентуеш арганізацыю ці грамадскую ініцыятыву, можна далучыцца да заявы экалагічнай супольнасці ў сувязі з разгонам «Крытычнай масы» і затрыманнем яе ўдзельнікаў праз імэйл greenbelarus@gmail.com.

Чаму актывістам і ўдзельнікам «Крытычнай масы» пагражае зняволенне да 6 гадоў? Аналіз сітуацыі.

«Менскае роварнае таварыства»

  Роварная мапа Менску

  8 цікавых веламаршрутаў Еўропы

  У падтрыхтоўцы артыкулу мы карысталіся матэрыяламі «Дапаможніка раварыста», створанага моладзеваю суполкай «Фаланстэр». З яго ты таксама даведаешся, што рабіць, калі трапіў у ДТЗ праз віну будаўнічай арганізацыі; як можна правозіць ровар у грамадскім транспарце; як паводзіць сябе, калі цябе спыняе ДАІ; як абараніць сябе ад крадзяжу; спасылкі на веласуполкі ў рэгіёнах і шмат што іншае.