Як я малявала фемінізм
- Рубрыка: E-QUALITY
- 04.10.2016
- 10542
Маша Кірыльчык – фатографка, дызайнерка, скончыла факультэт дызайну ў Акадэміі мастацтваў, выпускніца канцэнтрацыі ECLAB «Сучаснае грамадства, этыка і палітыка». Цікавіцца гендарам, філасофіяй і псіхааналізам, сваю дыпломную працу ў БДАМ рабіла на тэму правоў жанчын, хоць гэта і спаткала некаторы супраціў з боку ўніверсітэцкай адміністрацыі. Глядзім яе гісторыю!
Серыя плакатаў
8 сакавіка – міжнародны дзень барацьбы за правы жанчын
Асноўны сімвал плаката – лічба 8, якая пры павароце ператвараецца ў знак бясконцасці: бясконцае хаджэнне па коле фемінісцкага руху. Васьмёрка патрапаная і працёртая, як дарога, па якой хадзілі неаднаразова. Чаравікі – сімвал жанчыны з дзвюма супрацьлеглымі ўласцівасцямі: так званая «прыгожая жаноцкасць», лёгкасць і некамфортны, няўстойлівы і хваравіты шлях, які праходзяць жанчыны, абіраючы чаравікі на нязручных высокіх абцасах.
11 кастрычніка – міжнародны дзень дзяўчынак
Упершыню дзень дзяўчынак адзначаўся ў 2012 годзе. Кожны раз ён падымае канкрэтную тэму: дзіцячы шлюб, адукацыя дзяўчынак, гвалт, падлеткавы ўзрост. На плакаце намаляваная коска – сімвал дзяцінства дзяўчынак, традыцыйная прычоска ранняга ўзросту – і бездапаможныя тонкія ручкі, зацягнутыя ў касу. Гвалт і безвыходнасць на фоне агульнай праблемы – тэма гэтага плаката.
15 кастрычніка – міжнародны дзень барацьбы супраць раку малочнай залозы
Рак малочнай залозы сярод анкалагічных захворванняў жанчын займае 1-е месца, прычым захворванне пастаянна расце. Ружовая стужка на плакаце сімвалізуе барацьбу супраць рака грудзей. Адна частка стужкі пераходзіць у чорную – у памяць пра тых, хто загінуў праз хваробу. У сярэдзіне стужкі ўмоўна намаляваны сілуэт грудзей і малочнай залозы, каб лепей разумець значэнне ружовага колеру (чырвоная стужка – сімвал барацьбы са СНІДам, аранжавая і белая – з гвалтам супраць жанчын).
25 лістапада – міжнародны дзень барацьбы за ліквідацыю гвалту ў адносінах да жанчын
У плакаце выкарыстаны жаночы сімвал – «люстэрка Венеры» – перакулены на 180 градусаў, быццам сілуэт магілы з крыжам на вяршыні. Па дадзеных ААН, 35% жанчын і дзяўчынак падвяргаюцца фізічнаму і / або сэксуальнаму гвалту на працягу жыцця. У некаторых краінах гэты паказчык складае сем з дзесяці. Гвалт у адносінах да жанчын і дзяўчынак не з’яўляецца непазбежным. Папярэджанне магчыма і неабходна.
Свабода! Роўнасць! Сястрынства!
«Свабода, роўнасць, братэрства» (фр. Liberté, Égalité, Fraternité) – нацыянальны дэвіз Французскай Рэспублікі, які бярэ свой пачатак з часоў Вялікай французскай рэвалюцыі. Ён тут не выпадкова: якраз у часы Французскай рэвалюцыі распачынаецца рух за правы жанчын. Сама фраза «Свабода! Роўнасць! Сястрынства!» не выключае жанчын і кансалідуе ўсіх на роўных правах.
ААН-жанчыны
ААН пастаянна сутыкаецца з праблемамі фінансавання гендарных праграм. Структура «ААН-жанчыны» была створана для вырашэння менавіта гэтых праблем. На плакаце выкарыстаны сімвал жаночага гендару, які замяняе другую літару «О» ў слове «ООН» і візуальна ўключае жанчын у вобраз ААН.
Серыя паштовак
Серыя паштовак распрацоўвалася на раннім этапе, калі дыплом насіў кодавую назву «Вялікія жанчыны 20 стагоддзя». Выбарка ў ёй абсалютна суб’ектыўная, а серыю можна працягваць бясконца, бо пра кожную жанчыну ў гісторыі знойдзецца што сказаць.
Запомнілася пытанне ад аматараў балета, чаму я абрала менавіта Маю Плісецкую, бо былі і іншыя, не менш таленавітыя і вядомыя танцоркі. Я натхнілася выбарам Плісецкай, бо справа яе жыцця стала больш моцным запалам, чым дзетародства. Адсутнасць дзяцей не робіць жанчыну менш паспяховай. Я ніяк не збіраюся прыніжаць мацярынства: мне трэба было паказаць прыклад, адрозны ад традыцыйнай праграмы для жанчыны «сям’я-муж-дзеці».
З Марыяй Складоўскай-Кюры была іншая гісторыя. Перадусім гэта першая жанчына ў гісторыі, якая атрымала Нобелеўскую прэмію, да таго ж гэта першая жанчына ў гісторыі, якая атрымала дзве прэміі, што наогул не перашкаджала ёй быць замужам і нарадзіць дачку, якая затым таксама атрымала Нобелеўскую прэмію. Прыкол яшчэ ў тым, што, нягледзячы на яе прафесійную кампетэнцыю, Нобелеўскія прэміі, уклад у навуку і сусветнае прызнанне, пасля запрашэння Кюры на месца выкладчыцы ў Сарбону (таксама ўпершыню ў гісторыі!) усе мужчыны-выкладчыкі выказалі бурны пратэст. Вось вам і двойчы нобелеўская лаўрэатка.
Відэа by Наташа Зінкевіч і Караліна Палякова
Чытаць яшчэ:
Трансгендарная роля
Шостая серыя відэапраекту E-quality пра штодзённасць трансгендара ў нашым грамадстве.
Падарожжа дылетанткі
Прэм’ера новага відэапраекту E-quality пра гендар і жаночыя правы. У першым выпуску даследуем адзіночныя вандроўкі аўтаспынам.
«Здольная» на ўсё
«Больш не можаш? Зрабі яшчэ два разы!» Праект «Здольная» распавядае, як спорт дапамагае стаць упэўненай. Свежачок ад відэапраекту E-quality!
На галоўнай:
Як завяршыць год без самапрыніжэння і пачаць новы з яснай галавой? Парады гештальт-тэрапеўткі
«Выйдзі і зайдзі нармальна».
Новы праект пра свядомую моду запрашае на варкшопы ў Варшаве і Тбілісі
Каб зрабіць упрыгожанне на ялінку ці звязаць шопер.
Як зберагчы калектыў ад перагрэву і канфліктаў? Меркаванне сацыятэхніка
І не забываем перадаваць веды новым пакаленням.
Ад «Салюту» да світання: менскі клубны рух другой паловы 1990-х
Росквіт размаітасці і крызісны заняпад.
КАМЕНТАРЫ (2)
Хлопцы, шукаю вашы дэматыватары, тыя дзе яшчэ знакаміты "Каліноўскі не змог і ты не зможаш" быў. Дзе іх можна знайсці? Бо спасылка на навіну з імі не працуе.
вось менавіта пад гэтым пастом звяртацца да рэдакцыі "хлопцы" - вельмі іранічна