Вяртанне галерэі «Ў»: фотарэпорт з адкрыцця
- Рубрыка: РЭПОРТЫ
- 22.06.2018
- 7942
Галерэя «Ў», якая амаль ужо дэкаду гуртуе вакол сябе сучаснае беларускае (і не толькі) мастацтва, доўгі час базавалася ў былым пункце прыёму шклатары ля Плошчы Перамогі. Але лісце ападае з дрэваў і распускаецца зноў. Узімку 2018-га галерэя аб’явіла пра пераезд і вось нарэшце адчыніла свае канцэптуальныя дзверы на Кастрычніцкай. Мы зазірнулі на вернісаж арт-прасторы.
Некалькі фактаў пра новую пляцоўку галерэі «Ў»:
Плошча галерэі – 1000 квадратных метраў
Вышыня столяў – 7 метраў
2 памяшканні: выставачнае ды івэнтнае
123 гады будынку, у якім месціцца галерэя. Раней тут быў гарбарны завод
Касцяк сучаснай каманды – 4 чалавекі
42 валанцёры
Адлегласць да бліжэйшай віннай крамы – 72 крокі
Галерэя адкрылася выставай «Без выключэнняў!» пра інклюзію і перыферыйныя пазіцыі сярод мастацтва. На адкрыцці гралі Drum Ecstasy, Dee Tree, духавы аркестр Пафнуція Кузюкяна, DJ Laurel і Prokop Junior
Каардынаты «Ў»:
Адрас: вул. Кастрычніцкая, 19 (уваход з боку вул. Леніна)
Час працы: пн-ндз 12:00 – 20:00
Фота – Віялета Саўчыц