Гандляры гукам
- 24.12.2016
- 6637
Заўтра, калі ў кожнай хаце запахне разагрэтаю куццёй, аматары мернага вінілавага трэску збяруцца ў бары DIY, каб адныя збыць, а другія прыдбаць сабе ў калекцыю класічны шлягер, апошні сінгл неасоўл-спявачкі або прома-вініл з невялікага бірмінгемскага імпрынту. Напярэдадні івэнту мы падрыхтавалі музычную падборку найлепшых вінілаў, якія ўдзельнікі кірмашу прынясуць з сабой.
Вінілавы маркет размесціцца ў невялікім, камерным сутарэнні кальян-бару DIY, дзе плануецца разгарнуць шчыльны плацдарм для гандлю фізічнымі носьбітамі музыкі. Раскладаць сталы рыхтуюцца восем удзельнікаў – уладальнікаў калекцыяў розных кірункаў: ад фанку, дыска і соўлу да апошніх рэлізаў тэхна-сцэны і драмэндбасу. Запраўляць вечар музычнаю начынкай будзе першакласны масажыст плытак Maxgreat. Мы пазнаёміліся з некалькімі пушарамі ды запыталі пра самыя лепшыя вінілы з іхных калекцыяў, якія яны прынясуць на продаж.
Аляксей Лабуновіч aka DJ Alexis
Калекцыянуе вініл з 2010 года. Адзін з нешматлікіх менскіх дыджэяў, які збірае менавіта «чорную» музыку на плытках. Цяпер ягоны фонд налічвае прыблізна 1000 экзэмпляраў, з якога на кірмашы ён выставіць на продаж невялікую частку.
Чым гандлюе: hip-hop, funk, soul, disco
Трэк усімі вядомага і любімага Джэймса Браўна 1971 года, дакладней, яго інструментальная версія.
Чыкагскі соўл у самым яго зорным варыянце – гурт Impressions ды іхная няспешная кампазіцыя 1976 года.
Калабарацыя аўстралійскіх брэйкбіт-музыкаў чымсьці нагадвае ghetto funk пачатку 2010-х, а сэмпл з “Walk This Way” увогуле нікога не пакіне абыякавым.
Павел Гарбатоўскі
Мастак па асвятленні ды інжынер у SoundCafe. Круціць плыткі для сябе, грошай гэтым не зарабляе. Вінілам захапіўся ў 2013 годзе і ў цяпер мае сціплую калекцыю на 400 пластоў розных стыляў. На продаж і абмен выставіць каля 150 штук.
Чым гандлюе: house, garage, techno, jungle
Румынскае тэхна – як мы любім: рытмічнае, лёгкае і з авангарднымі ўсполахамі сям-там.
Акуратны і прыгожы хаўс ад швейцарскага прадзюсара Canson. Месцамі, як у гэтым трэку, з этнічным адценнем.
Яшчэ адзін лагодны хаўсавы прыгажунчык.
Humble Bee
Яна выставіць на продаж сваю невялікую калекцыю амаль новага вінілу, а таксама – мару кожнага дыгера пласцінак – партатыўны прайгравальнік вінілу Numark PT-01 Usb.
Чым гандлюе: rock, classic rock, pop
Сусветны шэдэўр Black Keys – можа, ты пра гэта марыш з папярэдняга НГ?
Неўміручая класіка – гурт Led Zeppelin са сваім першым сінглам Good Times Bad Times.
Пасмяротна выдадзены альбом Amy Winehouse і спакойны трэк адтуль.
Аляксей Макушкін
Дыджэй, музыка і калекцыянер вінілу з Менску. Мае яркую і дынамічную падборку з сэнсам і сінкопамі. На продаж выстаўляе паўсотні адборных house і techno рэлізаў 2013–2016. Папярэдне азнаёміцца з нішцякамі можна тут.
Чым гандлюе: house, techno
Настолькі сочна сюды кладзецца amen break – неверагодна.
Шчыльны трэк, на танцполе гэта будзе бомба!
Грэчаскі прадзюсар з дып-тэхна і acid-ніткай праз увесь трэк.
Electrofood CH
Чэмпіён Беларусі па скрэтчынгу ў 2011 годзе, Electrofood CH выпусціў супольную з брытанскім і расійскімі тарнтэйбалістамі плытку Zarecord, у якую ўвайшоў ягоны даўні трэк Shparka Kremzat. На вінілавым маркеце Electrofood будзе прэзентаваць плытку, якую можна адразу забраць ва ўласную калекцыю. Цані відос!
Маркет стартуе заўтра, 25 снежня, а 19-ай у DIY Bar. Сустрэнемся там!
Чытаць яшчэ:
Шабаш #1: nixelpixel у «Корпусе» і партрэт Русі
У новай рубрыцы 34mag пытаемся ў сяброў, як яны правялі мінулыя выходныя.
Таемны госць: Пагналі нашыя гарадскіх
Гэтым разам «Таемны госць» разважае аб прыгажосці краіны, эскапізме і пачуцці віны ў гарадскіх людзей.
На галоўнай:
Новы праект пра свядомую моду запрашае на варкшопы ў Варшаве і Тбілісі
Каб зрабіць упрыгожанне на ялінку ці звязаць шопер.
Як зберагчы калектыў ад перагрэву і канфліктаў? Меркаванне сацыятэхніка
І не забываем перадаваць веды новым пакаленням.
Ад «Салюту» да світання: менскі клубны рух другой паловы 1990-х
Росквіт размаітасці і крызісны заняпад.
10 праграм, каб навесці парадак з грашыма
Адсочвай маніфлоў, адкладай на мару, пампуй добрыя звычкі.
«Мне адгукаецца гісторыя вечных чужынцаў»: размова з мастачкай Марыяй Гвардзейцавай
Пра дом, пра памяць, пра боль, у якім усе роўныя.
КАМЕНТАРЫ (2)
Numark PT-01 Usb этот даже кривым убогим советским вертушкам в подножье не годится. Мне было бы жаль на таком крутить настоящий аутентичный винил...
Блін, а дзе блюз, дзе карані? Электрату на вініле слухаць - на аматара забава, як мне падаецца. А возь з пясочкам, артэфактамі і пляшачкай бурбончыку перанесціся ў Дэльту - самае то.