34mag

Відэа-нявідэа: анімацыя

Рубрыка: ВІДЭА-НЯВІДЭА
21.10.2016
Аўтар: 34mag
8881

Мафіёзныя разборкі, палёты ў космас, фантасмагорыі сну – склалі спіс анімацыйных кліпаў, пасля якіх пачынаеш бачыць свет у трохі змененым псіхічным стане. Вось што трэба адпраўляць касмічнымі пасланнямі ад чалавецтва.

Chad VanGaalen – Molten Light

Нельга не згадаць такога дзіўнага і рознабакова таленавітага тыпа, як Chad VanGaalen. Гадамі ён сядзіць у сваім старым доме і малюе стромныя кліпы для сваіх змрочных песень.

Concorde – Sons

Нікому не вядомая французская нью-ўэйв поп-група прымушае перажыць магутны саспіенс разам з галоўнай гераіняй кліпа. Гісторыя хворых падлеткавых комплексаў выканана ў стылёвай ч/б графіцы а-ля Джоні Нэгрон.

Stuck In The Sound – Let's Go

Бадзёрыя французы Stuck In The Sound выбралі графон у стылі paint для троххвіліннай сагі пра матывацыю, мары, космас і расчараванне. Здораўскі сюжэт і bromantic хэпі-энд.

Birdy Nam Nam – The Parachute Ending

Міжгалактычныя муткі ў ЛСД-шнай фантазіі Birdy Nam Nam. Кідаем у спіс таму, што вельмі ўжо захацелася пераслухаць гэты ашаламляльны трэк.

Copycat Club – Ganz Berlin

Нейкая ружовая херня, якая ліецца з вачэй мужыкоў у кацялках на мапу Берліна, захоплівае горад у рэале. Што толькі ні прысніцца, пакуль едзеш на першай ранішняй электрычцы S-bahn.

Moderat – Bad Kingdom

Падзеі ў сінглавым кліпе Moderat разгортваюцца ў моўшн-коміксавым стылі. Падаецца, што тут распавядаецца гісторыя адной сям’і з глыбокімі мафіёзнымі каранямі, хаця мастакі з Pfadfinderei кажуць, што гэта гісторыя пра абстрактнага чалавека, які хоча збегчы ад мілітарысцкай несправядлівай сістэмы, у якой ён нарадзіўся. Ху ноўз!

Raffertie – Last Train Home

Неверагодна атмасферная работа мастака Герхарда Хьюмана, над якой ён працаваў у вольны час. Тэма адзіноцтва, падпарадкавання і непакорнасці так зацікавіла ніндзяцюнаўскага бэйс-авангардыста Raffertie, што ён дазволіў выкарыстаць ягоны трэк Last Train Home як суправаджэнне. Раім да прагляду!

Toybloіd – If You Dare