Вакансія дня: Ulej шукае моцнага піяршчыка

Краўдфандынгавая пляцоўка Ulej шукае PR-мэнаджара(-ку) на full-time у менскі офіс. Пра канкрэтны заробак у тэксце вакансіі нічога не кажуць, але гэта не замінае людзям пісаць у каментах, што гэта па-любому «вакансія мары».

 

 Што ад цябе патрабуюць: 

  моцныя навыкі і вопыт у PR;

  прыязныя адносіны са СМІ;

  уменне ствараць у сацсетках нясорамныя пісьменныя пасты;

  вопыт у арганізацыі і каардынацыі публічных мерапрыемстваў;

  вопыт ў пошуку партнёраў для івэнтаў.

 

У ідэале шукаюць спеца, які чытае Probusiness, захапляецца Пракапеняй і Гурскім, верыць у моц крэатыўных індустрый, ведае KPI PR-актыўнасці і здольны(-ая) весці па ім справаздачнасць.

 

 Што табе прапануюць: 

  амбіцыйныя задачы;

  перспектыву роста да брэнд-мэнаджара;

  працу ў камандзе з настроем #youngpower;

  годную аплату працы;

  модны офіс-лофт на вуліцы Кастрычніцкай (адабраем!).

Карацей, не сядзі кулём – дасылай рэзюмэ на пошту: s.snetko@ulej.by і дапамагай здароваму кругазвароту грошай у прыродзе.

КАМЕНТАРЫ (0)

КАМЕНТАВАЦЬ