Улоў #3

 

 

Відэа тыдня:

 

Boston Dynamics – амерыканская кампанія, якая стварае робатаў, – парадавалі фанатаў (то-бок нас) свежанькім відэа з новым Хэндлам. Гэты сюжэт самы гуманны! Робатаў больш не б’юць палкамі, не штурхаюць і не адбіраюць скрынкі. Хэндл выглядае вельмі свежа і наварочана: у яго ёсць манеўраныя колы і здольнасць пераскокваць перашкоды. Відосы Boston Dynamics мы таксама любім за версіі з рускай агучкай. Пачынаеш разумець, як можна лёгка раніць жалезнае сэрца. Стартаваць можна адсюль, ну а далей ужо ідзі за белым трусам.

Фота тыдня:

 

Адна з прац правакацыйнага кітайскага фатографа Рэна Ханга, які нядаўна пакончыў з сабой на 30-м годзе жыцця. Быў прызнаны ва ўсім свеце, акрамя кансерватыўнага Кітая. Працаваў у асноўным з аголеным целам, прычым у роўнай ступені як з жаночым, так і з мужчынскім.

Тэкст тыдня:

Развіццё гісторыі з энтэральным харчаваннем для сірот-інвалідаў. Важна, што ўсё працягваецца і даўно выйшла за рамкі менскага дома-інтэрната.

Выхадка тыдня:

Украінская арт-менеджарка Каця Тэйлар, з якой мы душэўна тусілі на навагоднім карпаратыве 34mag і 34travel, апранула на публічнае мерапрыемства цішотку з правакацыйнай выявай і адразу адчула «двайныя стандарты» ліберальнага грамадства. Чытай яе досвед на Platfor.ma.

Таінства тыдня:

Самая энігматычная падзея гэтага тыдня. Што там нам казалі дэльфіны, перад тым як адчаліць з гэтай планеты?

Трэк тыдня:

Навінка ад старога добрага ансамбля «Кровосток».