У Менску iдзe Беларуска-яўрэйскi фестываль

З 5 па 11 кастрычніка ў Менску праходзіць першы Беларуска-яўрэйскi фестываль, прысвечаны яўрэйскай культуры і яе гісторыі.

Арганізатары – Цэнтр беларуска-яўрэйскай культурнай спадчыны, які падтрымалі Інстытут Гётэ і МЗС Германіі па праграме «Усходняга партнёрства».

Асноўная частка праграмы пройдзе анлайн, але ў будучыні плануюць перавесці івэнт і ў афлайн-фармат.

Уваход на фестываль свабодны, падрабязная інфармацыя аб праграме і спасылкі на кожнае мерапрыемства даступныя вось тут.

 Праграма такая: 

– Прэм'ера музычнага падкасту, прысвечанага ўзаемаўплыву яўрэйскiх і беларускіх мелодый.

– Прэм'ера аўдыягіда па яўрэйскім Менску.

– Лекцыя пра яўрэйскiя прозвішчы, характэрныя для Беларусі.

– Афлайн-паказ дакументальнага фільма BBC пра яўрэйскiх мігрантаў з Усходняй Еўропы ад брытанскага рэжысёра з беларуска-яўрэйскімі каранямі.

– Кулінарны майстар-клас са стравамі беларуска-яўрэйскай кухні ў фармаце «Rebox».

– Q&A-марафон, дзе эксперты адкажуць на вострыя пытанні пра беларускіх яўрэяў.

– Прэм'ера спектакля паводле п'есы Вольгі Прусак. Першая ў Беларусі тэатральная пастаноўка пра беларуска-яўрэйскага паэта Мойшэ Кульбака ад беларуска-брытанскага тэатра HUNCHtheatre. Дызайн афішы распрацаваў Уладзімір Цэслер.