«Прастора КХ» запрашае на пандэмічныя размовы пра культуру

У праект будуць запрашаць экспертаў з розных абласцей і размаўляць пра тое, што для іх і для нас змянілася з COVID-19. Сустрэчы будуць праходзіць у Zoom у фармаце гутаркі, ва ўдзельнікаў будзе магчымасць каментаваць і задаваць свае пытанні па тэме.

Першая сустрэча адбудзецца 7 траўня ў 19.00 і будзе прысвечаная тэатру – эксперты абмяркуюць, што цяпер адбываецца ў тэатральным свеце і як ён зменіцца пасля пандэміі. Як тэатральная супольнасць зрэагавала на сітуацыю? Як тэатр сёння спрабуе перайсці ў анлайн-фармат? Што чакае самае кантактнае мастацтва ў будучыні?

У гутарцы прымуць удзел Аксана Гайко – рэжысёрка і актрыса тэатра «Крылы халопа», Таня Арцімовіч – даследчыца і куратарка, і Андрэй Масквін – даследчык, які займаецца праблемамі славянскай драматургіі і тэатра.

Каб наведаць мерапрыемства, запоўні анкету – за гадзіну да сустрэчы табе прыйдзе спасылка на відэаканферэнцыю ў сэрвісе Zoom. Мерапрыемства даступнае для людзей з парушэннямі слыху – будзе арганізаваны пераклад на рускую мову жэстаў.

Падтрымаць «Прастору КХ» можна тут.