Прыходзь на форум пластычных тэатраў «ПлаSтформа-2019»

У Менску пройдзе ўжо сёмы адкрыты форум, прысвечаны эксперыментальнаму тэатральнаму мастацтву.

 

 Даведка:  Пластычны тэатр – від эксперыментальнага мастацтва, дзе галоўным інструментам тэатральнай пастаноўкі становіцца не голас, а рухі актораў і акторак.

З 13 па 17 лютага пройдзе VII Адкрыты форум эксперыментальных пластычных тэатраў Беларусі «ПлаSтформа-2019». У праграме – фізічны тэатр, харэаграфічныя і пластычныя спектаклі, сучасная пантаміма і буто – авангардны танец з Японіі сярэдзіны XX стагоддзя. А таксама майстар-класы, лекцыі-перформансы і круглы стол аб праблемах нетворкінгу ў творчым асяроддзі.

Акрамя артыстаў з Беларусі, на форуме будуць прадстаўлены Чэхія, Ізраіль, Кітай, Аўстрыя, Польшча і Расія.

«ПлаSтформа» будзе праходзіць адразу на некалькіх пляцоўках: Рэспубліканскі тэатр беларускай драматургіі, Нацыянальны цэнтр сучасных мастацтваў, музей Заіра Азгура і прастора «Ок16».

Квіткі – на Bycard.by і Bezkassira.by.

Івэнты форуму будуць праходзіць штодня з 13 па 17 лютага. Усе дэталі – на падрабязным раскладзе ніжэй.

 

 

«ПлаSтформа» ў сацсетках:

Facebook   |   Вконтакте   |   Instagram