34mag

Не вагоны разгружаць

21.02.2017
Аўтар: 34mag
6736

Перад першым сольным беларускім канцэртам «Вагоновожатых» разаграемся міксам, які музыкі падрыхтавалі спецыяльна для 34mag.

Праект «Вагоновожатые» быў створаны ў 2013 годзе фронтмэнам легендарных «грузавікоў» Антонам Слепаковым і гітарыстам «Lюк» Валянцінам Панютам. Пазней да хлопцаў далучыўся бубнач Стас Івашчанка з данецкага гурта DOK. Вострыя, злабадзённыя тэксты «вагонаважатых» накладаюцца на шчыльнае і агрэсіўнае гучанне. Самае тое, каб узбадзёрыцца пасля бясконцай самарэфлексіі. На рахунку бэнда поўнафарматнік Wasserwaage і некалькі іпішак, у тым ліку апошняя «Стартап Молодость», з прэзентацыяй якой гурт едзе на менскі выступ.

Мы папрасілі артыстаў падрыхтаваць музычны аперытыў перад канцэртам. Адгукнуўся Стас. «Мікс складаецца з favorites, якія я слухаю апошнім часам, – кажа бубнач. – Што тычыцца менскага канцэрта, асабіста я вельмі яго чакаю, бо заклікалі нас ужо даўно. Многія прыязджалі з Менска на нашыя выступы ў Кіеве, зараз нашая чарга. Да таго ж гэта будзе першая выязная прэзентацыя ЕР за межамі Украіны». Ну што ж, пакуль мы рыхтуемся да канцэрта, слухаем шчыльны, як жыццёвая праўда, мікстэйп.

1. Childish Gambino – Me and Your Mama
2. Saul Williams – Think Like They Book Say
3. Koloah – Warp 6
4. Mouse On The Keys – Earache
5. C Duncan – Other side
6. Sir Alice – Cadavre Exquis
7. Cairobi – Ghost
8. Easter – Champagne
9. Caribou – Our love
10. Sonic Youth – Malibu Gas Station
11. Zammuto – Hegemony
12. Kadhja Bonet – Fairweather Friend
13. Polica – Someway
14. Pascal Roge – Gymnopedie No.2
15. Christian Löffler – Roman
16. Beach House – Somewhere Tonight

Канцэрт адбудзецца ў гэтую суботу, 25 лютага, у нядаўна адкрытым культурным цэнтры «Корпус» (пр. Машэрава, 9). Падрабязную інфу шукай у сацсетках: у FB ці VK.

Таксама пачытай нашае летняе інтэрв’ю з салістам гурта Антонам Слепаковым пра нацыянальны ўздым ва Украіне, паспяховы мерч і зборную Замбіі па футболе.