Гільдыя герояў Магілёва

Каб зразумець, чым жыве Магілёў, недастаткова проста блукаць па вуліцах і даследаваць лакацыі нават самага карыснага гайда. Мы прапануем вывучыць таймлайн культурных падзей і пазнаёміцца з праектамі і ініцыятывамі, якія гуртуюць вакол сябе крэатыўных жыхароў і фармуюць грамадзянскую супольнасць. Карацей, аспрэчваем міф, што Магілёў – гэта магіла.

 

Цэнтр «Кола»

Культурная і адукацыйная прастора. Яе стваральнікі не толькі праводзяць мерапрыемствы, але і генеруюць значныя для Магілёва праекты.

Цэнтр гарадскіх ініцыятыў

Магутная супольнасць актывістаў. Практычна ўсе цікавыя ўмяшанні ў гарадское асяроддзе прыдуманыя або рэалізаваныя менавіта гэтымі рабятамі.

«Теплица»

Выпускнікі гэтай школы зрабілі ў горадзе буккросінг, кінапаказы пад адкрытым небам, пабудавалі шпакоўні і пасадзілі новыя дрэвы.

 

 

«Городской пикник»

Галоўны летні фестываль на беразе Дняпра. Бясплатны ўваход, музыка, фуд-корт, ёга, спартыўныя споты, тысячы гасцей.

«Могилевская весна»

Супольнасць праваабаронцаў і журналістаў са стыльным і карысным сайтам.

«Доброе сердце»

Група валанцёраў, якая дапамагае бяздомным і кінутым жывёлам з ператрымкай і лячэннем.

 

 

«Шчырая Майстэрня»

Супольнасць рамеснікаў Магілёва, якой ганарацца мясцовыя.

«М.@rt.контакт»

Моладзевы тэатральны форум. Трупа робіць спектаклі ў драмтэатры і нават на вуліцы. Крытыкі ставяцца да яго вельмі прыхільна.

«Культурный Могилев»

Серыя сустрэч, прысвечаных культурным і крэатыўным пераўтварэнням у горадзе.

 

 

«Сохраним Печерский лесопарк»

Ініцыятыўная група з вельмі яснай назвай. Улады хацелі проста вырубіць паркавую зону, але неабыякавыя грамадзяне выступілі супраць.

«Сохрани “Печерский сад”»

Аналагічная ініцыятыўная група, створаная для прыцягнення ўвагі да экалагічнай праблемы. Цяпер тут прыбіраюць тэрыторыю і садзяць новыя дрэвы.

«Киноклуб 451F»

Сумесны прагляд фільмаў і дыскусіі пад хэштэгам #бесплатно.

 

 

Mogilev.Report

Відэахроніка важных магілёўскіх мерапрыемстваў.

«Общественный книжный шкаф»

Свежая кропка вулічнага буккросінгу не толькі з шафай, але яшчэ са сталом і крэслам.

#SpeakForCharity

Заняткі англійскай мовай, плата за якія ідзе на дабрачыннасць.

Матэрыял падрыхтаваны ў партнёрстве з праектам #ЕСдляБеларусі. Еўрасаюз не нясе адказнасці за матэрыялы, падрыхтаваныя партнёрамі праекта.