Кінафестываль «Паўночнае ззянне» адбудзецца анлайн

Фільмы і майстар-класы будуць трансляваць праз стрымінгавую беларускую платформу, распрацаванаую ў калабарацыі з партнёрамі фестывалю ー mediatech.by. Хутка можна будзе замовіць квіткі.

Кантэнт пакуль не раскрываюць. Вядома толькі, што ў асноўную праграму ўвойдуць каля 20 фільмаў. Можна будзе паглядзець, куды рухаецца сінематограф Швецыі, Даніі, Фінляндыі, Ісландыі, Нарвегіі, Літвы, Латвіі і Эстоніі па частцы гульнявых стужак і дакументалак. Упершыню праграму разбавіць кароткі метр. Яшчэ адна навінка: пашыраная праграма маладога белкіно.

Сёлетні слоган – «Слухаць і чуць». Гэта ўсё пра эмпатыю: каманда фэсту заклікае гледачоў(-ак) практыкавацца ў спачуванні тым, хто побач, клапаціцца пра сябе, сваіх блізкіх і наваколле.

У стварэнні новай візуальнай канцэпцыі ўзялі ўдзел актывістка ініцыятыўнай групы «Маршыруй, дзетка!» Святлана Гатальская, крэатыўная дырэктарка і пісьменніца Вера Філенка ды іншыя героі.