Якая будучыня беларускай культуры? Шасцёра артыстаў шукаюць адказы ў новым аўдыядоку

Стваральнікі аўдыядаследавання зацікавіліся, куды могуць прывесці такія пошукі. Каму ў замежжы цікава слухаць песні і вершы на беларускай мове? Чым можна спакусіць пераборлівых еўрапейскіх галерыстаў? Ці рэальна рабіць мастацтва ў іншай краіне, не асімілюючыся? Як заставацца цікавымі беларусам у Беларусі?

Аўдыядок складаецца з шасці гісторый, якія натуральна пераплятаюцца адна з адною, хоць за кожным расказам – унікальны чалавечы досвед у розных культурніцкіх нішах. Тут гучаць галасы і шчырыя думкі мастака-акцыяніста Міхаіла Гуліна, музыкі і актора Паўла Гарадніцкага, мастацтвазнаўцы Мікіты Моніча, рэжысёркі і музыкі Паліны Дабравольскай, сузаснавальніцы аўдыявыдавецтва «Кніжны воз» Крысціны Дробыш, пісьменніцы Ганны Комар.

Разам з гераінямі і героямі аўдыядоку можна паразважаць пра надзённыя патрэбы і магчымыя шляхі развіцця беларускай культуры, у нейкіх момантах адчуць сум і расчараванне, у іншых – зарадзіцца энтузіязмам і ўпэўненасцю, што калі рабіць пільна, то плён абавязкова будзе.

 Дзе паслухаць: 

Apple Podcasts  /  Spotify  /  Castbox  /   Soundcloud  /  Yandex.Music