Калі ласка, не выключайце тэхна!

 

Апантанасць – гэта мускусны пах, які нязменна выводзіць нас на герояў. Нашаму наступнаму андэрдогу Паўлу 22. Ён скончыў вучылішча і займаецца любімай справай – робіць мэблю. У Паўла ёсць дзве вялікія асалоды – дрэва і тэхна. А яшчэ лепей, калі яны разам.

 

 

 Прынцып 

– У мяне ёсць сваё месца ў метро. Я арыентуюся на плакаты, якія вісяць уздоўж платформы, каб адшукаць сваё месца ў цягніку. Калі маё месца занятае, але ёсць шмат вольных і я спазняюся на працу, то я ўсё роўна выходжу і чакаю наступнага цягніка, каб сесці на сваё месца. Так я катаюся ўжо 8 гадоў, таму беспамылкова вызначаю любую станцыю па асвятленні, бо я заўсёды сяджу спінай да вокнаў і слухаю тэхна.

 Тэхна 

– У мяне ёсць 15 улюбёных трэкаў, якія я слухаю дома і на працы. У гэтых трэках я цалкам упэўнены, і кожны раз яны граюць у мяне на паўторы – новага я нічога не слухаю.

 Каханне 

– Я думаю, што ніколі не кахаў. Пасля апошняй дзяўчыны я зрабіў выснову, што кожны раз – гэта моцная прыхільнасць. Але я ўсё роўна казаў, што кахаю, хаця адвязваўся вельмі лёгка.

 Кумір 

– Гэта Равік, галоўны герой з «Трыумфальнай аркі» Рэмарка. Я такі яго фанат, што перачытаў усе яго кнігі і нават набыў ілюстраванае выданне за 80 руб. Карацей, гэты герой – алкаш. Калі я чытаў кнігу ўпершыню, то заходзіў у любое кафэ і выпіваў там па чарцы гарэлкі. Пасля той кнігі я стаў нашмат больш піць. То-бок кнігу я дачытаў, а піць не перастаў.

 Сям’я 

– Я планую стварыць сваю сям’ю бліжэй да 30. Таму зараз я так і тусуюся, бо ведаю, што потым так пагуляць наўрад ці змагу. Хачу знайсці дзяўчыну, якая будзе маім рухавіком, будзе даваць мне штурхель пад зад, каб я рухаўся, бо так я стаю на месцы.

 Сэнс жыцця 

– Я бачу сэнс у тым, каб максімальна ўсяму навучыцца і перадаць гэта сваім дзецям. Гэта тычыцца не толькі вопыту, але і матэрыяльных каштоўнасцей.

 

 

Відэа by Андрэй Славінскі

Гук by Dirty Owl

Тэкст by Na Dzeya

Фота by poliakowa

 


КАМЕНТАРЫ (5)

Konstantin Konopko | 27.07.2017 17:38

Техно как модус современной технологической эстетики http://execute.by/post/161601

0 0
Cokr
Cokr | 24.07.2017 19:37

Что за место на превью?

0 0
RedRat
RedRat | 24.07.2017 16:56

slave to the rave

0 0
Artyom Dorokhov | 24.07.2017 15:47

что я только что посмотрел?

9 0 +9
Сьвета
Сьвета | 24.07.2017 14:59

пройобано

6 0 +6