Змяніць «Вектар»

Павел Данкоў, арганізатар «Мечты» і «Вектара», пра новы праект:

– У першую чаргу мы жадаем паказаць, што праект пасталеў. «Мечта» застаецца, але ў яе з’яўляецца іншы твар. За год існавання мы спрабавалі, адчувалі месцы, гук, публіку і саміх сябе, з-за чаго выйшлі на новы ўзровень. У будучыні івэнты, хутчэй за ўсё, будуць праходзіць пад рознымі назвамі, у залежнасці ад начынкі, месца і канцэпту. Мне заўжды падабалася серыйнасць, цыклічнасць у пазіцыяванні. Поры года ідуць адна за адной, дазваляючы нам цешыцца разнастайнасцю жыцця. З музыкай гэтаксама. Мне не хочацца, каб праект асацыяваўся толькі з пэўным стылем.

На «Вектар», нягледзячы на круты прывоз, на жаль, сабралася менш людзей, чым на папярэднія вечарынкі, якія я рабіў у «Брюгге». Быць можа, не ўсе змаглі ідэнтыфікаваць мерапрыемства, улічваючы змену назвы. Але калі казаць пра атмасферу, асабіста для мяне першы «Вектар» стаў адной з любімых вечарынак за ўсю гісторыю.