Кулінарыя з асаблівасцямі ад арт-кавярні Insider

Нядаўна ў рамках праекта «Без выключэнняў! У працэсе» ў галерэі «Ў» прайшла вечарына, на якой людзі з інваліднасцю і ментальнымі асаблівасцямі прадставілі меню будучай сацыяльнай арт-кавярні Insider. Мы пацікавіліся рэцэптамі і выдатна патусілі з супрацоўнікамі і супрацоўніцамі кафэ новага фармату.

 

Арт-кавярня «Insider» – гэта магчымасць даць працу людзям з ментальнымі асаблівасцямі, а таксама дапамагчы жыхарам дамоў-інтэрнатаў аднавіць дзеяздольнасць. Праца можа быць рознай – ад кухараў(-к) да прыбіральшчыкаў(-чыц) і афіцыянтаў(-к).

Гэта праект Уляны Дражынай і Ксеніі Галубовіч, якая робіць інклюзіўны тэатр і дапамагае арганізоўваць лагер для дзяцей з асаблівасцямі. У планах – адкрыць сваё кафэ. А пакуль разглядаецца магчымасць даць працу рабятам пры нейкіх існуючых установах.

Паказваем цябе прыкладныя рэцэпты страў, з якімі рабяты кранальна дэбютавалі.

 

 

 

Вафлі

 

  Зрабіць цеста з мукі, сметанковага масла, яек, малака і цукру.

  Выпякаць у выглядзе сэрцайкаў.

  Зрабіць крэм са сметанковага сыру, вяршкоў і цукровай пудры.

  Пасыпаць дурніцамі (ягада такая) і вафельнымі крошкамі.

 

 

 

 

 

 

Ліманад лавандавы

 

  Адварыць цытрынавую цэдру і цукар да стану сіропу.

  Дадаць ваду і лімоны.

  Зварыць усё разам.

  Змяшаць з настоем лаванды.

  Астудзіць.

 

 

 

 

 

 

Ліманад з грэйпфрутам

 

  Адварыць цытрынавую цэдру і цукар да стану сіропу.

  Дадаць ваду і лімоны.

  Зварыць усё разам.

  Дадаць мяту і долькі грэйпфрута.

  Астудзіць.

 

 

 

 

 

 

 

 

 

 

 

 

Фота – Назі Джанесары

КАМЕНТАРЫ (0)

КАМЕНТАВАЦЬ