Гісторыі поспеху на Tallinn Music Week

Бадай, самая гучная гісторыя поспеху на Tallinn Music Week. Чатыры светлавалосых эстонскіх сябра пачалі граць у 2008-м спачатку каверы на The Police, Radiohead, Джэфа Баклі, а пасля пераключыліся на ўласны матэрыял: атрымаўся англамоўны лірычны indie folk з гісторыямі пра сталенне і персанальныя чэленджы. Шчыра і па-простаму, быццам хлопцы раслі з табой у адным горадзе.

У сакавіку 2010-га, пасля 5 месяцаў з выпуску дэбютнага альбома The Hills Behind The Hills, гурт выступіў на другой эдыцыі Tallinn Music Week – і панеслася! У траўні яны адправіліся ў свой першы балтыйскі тур, летам выступілі на латышскім Positivus. У 2011-м – яшчэ адзін выступ на TMW, з якім яны ўзялі прыз галоўнага спонсара фестывалю Skype “Go Change The World”. Затым новы альбом Good Man Down, з якім музыкі аб’ехалі буйныя еўрапейскія шоукейс-фестывалі: нямецкі Popkomm, аўстрыйскі Waves Vienna, нідэрландскі Eurosonic Festival – і які стаў плыткай-бэстсэлерам у самой Эстоніі. У 2013-м яны выйгралі прэстыжную прэмію European Border Breakers Awards, якую таксама бралі, напрыклад, Adele, Tokio Hotel, Stromae і Mumford and Sons. Карацей, яшчэ тыя красунчыкі!

Зараз яны падпісаныя на амерыканскі лэйбл Sire Records, дзе выдаваліся сямідзюймовікі Talking Heads і Ramones, першыя альбомы Мадонны, а цяпер Рэгіна Спектар разам з Сіндзі Лопер. Уладальнік лэйбла Сэймур Штайн неаднаразова наведваўся на канферэнцыі Tallinn Music Week, адкуль і даведаўся пра абаяльных баюноў софт-рокавай фармацыі.

Сайт   FB   Паслухаць усе альбомы ў VK

Наступны прыклад поспеху – замежны бэнд, які пасля выступу на TMW пачаў rule the world, а дакладней Europe. Дацкае трыа (цяпер дуэт) утварылася ў 2008 годзе, але да 2012-га ніхто з еўрапейскіх шоукейс-фестываляў не хацеў іх браць у лайнап праз тое, што яны не былі падпісаныя ні на які лэйбл. Першымі іх узялі менавіта эстонцы, ім проста спадабаліся дэмкі. Пасля фэсту музыкаў запрасіў расійскі прамоўтар Алекс Келман з IceCreamDisco ў тур, пра іх напісалі ў фінскай і амерыканскай прэсе, пасля пайшлі выступы: французскі Trans Musicales у 2012-м, буйнейшы шоукейс-фестываль Reeperbahn Festival у 2013-м і нарэшце іх айчынны фестывальны флагман Roskilde Festival у 2014-м.

Get Your Gun грае вельмі цікавую і незвычайную музыку, фанаты на youtube акрэсліваюць яе як «стоўнэр з элементамі змрочнага кантры». Слухаецца, сапраўды, як экспрэсіўнае аўтарскае выказванне з унікальнай падачай, якое то дзьме на цябе калючай экзістэнцыяльнай завірухай рэальнасці, то абвявае шчыльным ветрам поспеху, як запраўскага сёрфера, а то і ўвогуле паглынае полымем вобразаў і пачуццяў. Дужа раім!

Сайт    FB    Bandcamp

Салодкая музычная цукерка Tallinn Music Week. Штогод выступала на фэсце з 2010-га па 2013-ы. Двойчы ўдзельнічала ў эстонскім адборы на Еўрабачанне Eesti Laul, але займала другое і чацвёртае месцы. Пасля дэбютнага выступу на TMW атрымала запрашэнні на нямецкі Popkomm, фінскі Musiikki & Media і эльдарада ўсіх шоукейсераў – брытанскі The Great Escape Festival.

У яе актыве – паўнафарматнік The Magic Gift Box, выдадзены на фінскім падраздзяленні EMI/Virgin Records і дзве іпішкі. Яе часта параўноўваюць з Б’ёрк, Кейт Буш ці Florence & The Machine, нам жа яна нагадвае шалапутную Grimes, хамелеонавую Ўілаў Сміт ці мяўкаючую Элсіан Каплет з Elsiane. Як кажа сама Iiris, яе музыка – гэта звер з целам поп-музыкі, пёрамі альтэрнатывы і нагамі электра. На наш погляд, выдатнае спалучэнне!

Сайт    FB

Трохі атанальная лірыка з лоўфайнымі рытмамі ранняга хаўса і эксперыментальнага арту – Марыя Юур па мянушцы Мінерва амаль адразу стала ўлюбёнкай музычных часопісаў Dazed, Resident Advisor і Pitchfork. І не дзіва: яна нават была кантрыбутаркай брытанскага The Wired, а цяпер атрымлівае магістра ў Голдсміцкім каледжы ў Лондане.

Яе першы выступ адбыўся якраз на Tallinn Music Week у 2010 годзе. Праз паўгода яна звязалася з эксперыментальным лэйблам з Лос-Анжэлеса Not Not Fun Records, які выпусціў ужо чатыры яе альбомы і адну калабарацыю з LA Vampires. Пладавітая асоба!

FB   Soundcloud   Bandcamp

Яшчэ адна зорачка Tallinn Music Week, але якая ззяе зусім іншым святлом. Маар’я робіць музыку трыма шляхамі: скрыпкай, традыцыйнымі эстонскімі спевамі і лайв-лупінгам. Атрымліваюцца мінімалістычныя пейзажы, якія ўражваюць сваёй прастатой і наіўнасцю выканання. Адчуваеш сябе быццам на летняй верандзе, дзе цемру разганяе толькі яе музыка, а паабапал сабраліся паслухаць усе цвыркуны ваколіцы.

У TMW яна ўдзельнічала на працягу 2013-15 гадоў, у апошні атрымала прэмію фестывалю Wire Prize. Яе дэбютнік Soloo адзначыў у твітары фронтмэн Duran Duran Сайман Ле Бон, во як! А пасля талінскага шоукейса Маар’я адправілася ў паўночнаамерыканскае турнэ і скарыла сваімі выступамі некалькі фестываляў world-музыкі. Летась у яе выйшаў другі альбом, ад якога таксама атрымліваеш абсалютнае задавальненне.

Сайт   FB   Bandcamp

Гісторыя эстонскага фолк-бэнда Trad.Attack! – гэта суцэльная гісторыя поспеху. Гурт стартаваў у 2013-м, а вясной 2014-га яны адыгралі свой першы канцэрт. І дзе б вы думалі? Ну, оф корз, на Tallinn Music Week. Адразу пасля фэсту музыкі адправіліся ў міні-тур па Эстоніі, улетку запісалі дэбютны EP, зрабілі солд-аўт і паехалі далей за мяжу: Латвія, Польшча, ЗША, Фінляндыя, Германія, Малайзія, Кітай, Паўднёвая Карэя, Бразілія, Украіна, Расія, Беларусь (Камяніца 2015) – артысты паставілі сабе мэту выступіць ва ўсіх краінах свету. Цяпер на іх рахунку – 26.

У групе яны граюць утрох – гітара, валынка і барабаны, да якіх дадаюць архіўныя дыктафонныя запісы фальклорных спеваў. Напрыклад, першая іх песня, якая адразу стала хітом, Kooreke перакладаецца як «вяршочкі» – гэта традыцыйная песня, якую выконвалі ў вёсках пры ўзбіванні вяршкоў. Каардынатарка фестывалю Хелен Сільдна кажа: «Trad.Attack! падобныя да грэйпфрутавага соку: ён бадзёрыць і дае зарад на цэлы дзень, яго хочацца піць кожную раніцу!»

Сайт    FB   Soundcloud

Пра нашых суайчыннікаў ты, канешне, ведаеш. Мы пра іх пісалі яшчэ ў папярэдняй інкарнацыі часопіса. Так, яны таксама – гісторыя поспеху Tallinn Music Week. Пасля выступаў у 2014-м і 2015-м хлопцы трапілі ў спіс рэкамендацый фестывалю, адкуль іх ужо забралі на латышскі Positivus, славенскі шоукейс-фэст MENT і буйны нямецкі Reeperbahn Festival.

Сайт   VK   FB   Bandcamp