У Менску пройдзе фэст сэксуальнай асветы
- Рубрыка: УЛОЎ
- 16.04.2021
- 3521
25 красавіка ў Менску адбудзецца чацвёрты фестываль Sex Education Day, гэтым разам афлайн. Фармат мерапрыемства не змяніўся: гэта марафон лекцый ад экспертаў(-ак) у сферы сэксуальнай адукацыі.
Расклад лекцый:
12.40–13.20 «Навошта патрэбная сэксуальная асвета?» – прачытае ўрач-сэксолаг Максім Падаляка;
13.30–14.1 «Што ёсць сэксам і сэксуальнай нормай? Ці петынг і мастурбацыя таксама сэкс?» – з сэксалагіняй і псіхалагіняй Зояй Прышывалка;
14.20–15.00 «Як псіхалагічная траўма ўплывае на цела і блакуе асалоду?» – ад тэрапеўткі Дашы Парфіяновіч;
15.20–16.00 «Візіт да гінеколага. У якіх выпадках трэба ісці, нават калі вельмі страшна?» – з акушэрам-гінеколагам Марыяй Такуновай;
16.10–16.50 «Чаму агрэсія і сэкс непадзельныя? Чаму важна прымаць свае агрэсіўныя жаданні?» – распавядзе магістарка псіхалогіі Вольга Бігель;
17.00–17.40 «Жаночая сэксуальнасць у мастацтве» – ад мастацтвазнаўцы Марыяны Сухавей.
Наведвальнікі(-цы) фэсту змогуць задаць спікерам свае пытанні наўпрост пасля лекцый альбо ананімна, скарыстаўшыся гэтай формай.
Для тых, у каго не атрымаецца прысутнічаць на мерапрыемстве, арганізатары(-кі) зладзяць трансляцыю на youtube-канале фестывалю.
Sex Education Day пройдзе ў галерэі «ДК» на Герцэна, 2а. Уваход вольны, але патрэбная рэгістрацыя. Наяўнасць медычнай маскі абавязковая.