Дзе зладзіць сваё мерапрыемства? Частка 3: Віцебск і Магілёў
- 26.02.2020
- 3910
Мы працягваем дзяліцца пляцоўкамі для арганізацыі мерапрыемстваў па ўсёй рэспубліцы (Менск чэкай тут, Берасце, Горадню і Гомель – тут). У гэтым выпуску сабраныя культурныя пляцоўкі Магілёва, Віцебска і абласных гарадоў. Калі лічыш, што спіс няпоўны, і ведаеш месцы, якія абавязаны сюды патрапіць, – напішы нам у любой з сацсетак, дапоўнім.
Магілёў
«Плафон»
Пляцоўка ў цэнтры Магілёва, якая сумяшчае фотастудыю і арт-прастору. Памяшканне «Плафона» выдатна падыдзе для правядзення майстар-класаў, семінараў, лекцый і невялікіх канцэртаў.
Умяшчальнасць: да 50 чалавек.
Абсталяванне: вялікі стол на 15 чалавек, можна арганізаваць кава-брэйк.
Адрас: Камсамольская, 8А.
Кантакты: + 375 44 7393841 і інстаграм.
Тайм-кафэ, у якім можна арганізаваць семiнар, лекцыю, канцэрт і ўсё, што прыходзіць у галаву і трапляе пад вызначэнне культурна-адукацыйнага мерапрыемства. Па буднях з 10 раніцы да 17 дня «Неба» функцыянуе як каворкінг, дзе можна спакойна папрацаваць і выпіць кубачак кавы.
Умяшчальнасць: да 100 чалавек.
Абсталяванне: праектар, экран, канапы, сталы і крэслы, wi-fi, дапамога ў арганізацыі кава-брэйкаў па запыце.
Адрас: вул. Ленінская, 7.
Кантакты: + 375 44 461 56 67.
Незалежная прастора «Цэнтр Кола» дае магчымасць некамерцыйным арганізацыям і ініцыятывам арганізаваць сваё мерапрыемства без аплаты арэнды. Тут будуць рады адукацыйным і асветніцкім праектам у сферы мастацтва, актывізму, культуры. Пляцоўка таксама падыдзе для канцэрта або спектакля.
Умяшчальнасць: аўдыторыя месціць да 80 чалавек; канцэртная зала – да 150 чалавек; клас з круглым сталом – 15-20 чалавек; яшчэ адзін клас – 30 чалавек.
Абсталяванне: дэманстрацыйны камп'ютар, экран, зона для кава-брэйку, гукавая апаратура.
Адрас: зав. Чкалава, 16.
Кантакты: centrkola@gmail.com
Бабруйск
Антыкафэ, названае ў гонар года першай згадкі Бабруйска. У прасторы прадугледжана тры памяшканні для арганізацыі культурных і адукацыйных мерапрыемстваў: вучэбны клас, зала для лекцый і зала для майстар-класаў. Ёсць магчымасць набыць тайм-клубную карту, якая дазволіць зэканоміць на арэндзе пры ўмове рэгулярнага наведвання ўстановы. Як і ў большасці антыкафэ, у «1368» забаронена піць алкаголь, гуляць у азартныя гульні, нецэнзурна лаяцца і паліць.
Умяшчальнасць: ад 8 да 40 чалавек у залежнасці ад арандаванага памяшкання.
Абсталяванне: парты і крэслы, мелаваная дошка, праектар, сцэна, экран, ноўтбук, wi-fi, мікрафон, інфармацыйная падтрымка падзеі і арганізацыя кава-паўзы па запыце.
Адрас: вул. Чангорская, 54.
Кантакты: +375 29 782 51 15, anticafe1387@gmail.com.
Віцебск
Арт-паб «Торвальд» – гэта не толькі піцейная ўстанова з ірландскім духам, але і культурная прастора, дзе рэгулярна праводзяцца канцэрты, творчыя вечары і актывісцкія і адукацыйныя мерапрыемствы. А яшчэ «Торвальд» можна наведваць у кампаніі са сваім чатырохногім сябрам!
Умяшчальнасць: да 200 чалавек, 100 сядзячых месцаў.
Абсталяванне: праектар, акустычная сістэма, фліпчарт, дапамога ў арганізацыі кава-паўзы.
Адрас: вул. Талстога, 1.
Кантакты: + 375 33 399 99 20.
Антыкафэ і пяць пакояў, выкананых у розным дызайне, якія можна арандаваць для рэалізацыі сваіх ідэй. Пляцоўка падыдзе для адукацыйных мерапрыемстваў любой тэматыкі і творчых сустрэч. Прыносіць сваю ежу і напоі дазваляецца!
Умяшчальнасць: залежыць ад арандаванага памяшкання – удакладняй у адміністратара.
Абсталяванне: праектар, акустычная сістэма, мікшарны пульт, нізкія і высокія сталы, мяккія пасадачныя месцы, да 30 дадатковых пасадачных месцаў, посуд, мікрахвалёўка, чайнік.
Адрас: вул. Леніна, 72.
Кантакты: + 375 33 333 25 25.
У творчым арт-цэнтры VZAP ёсць адразу некалькі разнапланавых памяшканняў: мастацкая майстэрня, пакоі і прасторная зала для правядзення канцэртаў, спектакляў, вечарынак, прэзентацый, навучальных семінараў, лекцый, кінапаказаў, харэаграфічных і тэатральных рэпетыцый. Любое з памяшканняў можна арандаваць для свайго мерапрыемства, галоўнае толькі загадзя дамовіцца з адміністрацыяй, бо VZAP карыстаецца папулярнасцю.
Умяшчальнасць: у пакоях па 45 чалавек; на канцэртнай пляцоўцы 100-200.
Абсталяванне: ёсць усё для правядзення канцэртаў: ад мікшара да ўдарнай устаноўкі; сталы, крэслы, экран і праектар, акустычная сістэма, кулер.
Адрас: : вул. Кастрычніцкая, 2.
Кантакты: + 375 29 890 28 40; vzap.vtb@gmail.com.
Наваполацк
У арт-прасторы «Terra Кот» дзве залы, у якіх рэгулярна праводзяцца гарадскія лекторыі, сацыяльныя мерапрыемствы, кінаклубы, трэнінгі і творчыя сустрэчы. Акрамя гэтага, прастора функцыянуе як універсальная пляцоўка для каворкінгу, фотаздымкі і проста як прыемнае месца, дзе можна выпіць гарбаты ці кавы ў кампаніі сяброў. У «Terra Кот» падзяляюць прынцыпы eco-friendly, а алкаголь тут не п’юць.
Умяшчальнасць: дзве залы плошчай 60 м2 і 20 м2, разлічаныя на 40 сядзячых ці 90 стаячых (у вялікай зале) і 6-10 сядзячых месцаў (у малой).
Абсталяванне: 5 складных сталоў і высокі стол для фуршэту, крэйдавыя дошкі, сцяна з мацаваннем для выставачнай экспазіцыі, бойлер, посуд, хатні кінатэатр, ноўтбук, праектары, go pro камера, штатыў. Ёсць дзіцячы куток, пледы і кілімкі для ёгі. Дадаткова можна арандаваць вулічныя шатры.
Адрас: вул. Моладзевая, 166В.
Кантакты: + 375 29 515 52 23.