Запусціўся рэсурс для беларускіх музычных дзеячаў

Канал створаны для артыстаў, музыкантаў, кампазітараў, дыджэяў, менеджараў музычных творцаў, арганізатараў музычных падзей, прадстаўнікоў музычнай інфраструктуры. Пад інфраструктурай каманда BME разумее пляцоўкі, адмысловыя СМІ, агенцыі, прома-групы, рэпетыцыйныя пункты, студыі гуказапісу ды ўсё, што неяк датыкаецца музыкі або мяжуе з ёю. «Калі ты звязваеш сваю прафесійную дзейнасць з сучаснай музыкай, а сэрца – з Беларуссю, то мы працуем на тваю карысць!» – кажуць стваральнікі канала.

Які кантэнт пастаўляе Belarus Music Export: інфа пра стажыроўкі, семінары, конкурсы, шоу-кейсы, оўпэн-колы, варштаты, рэзідэнцыі, калабы.

Першы пост распавядае пра італьянскі конкурс тэатральных, танцавальных, музыкальных і цыркавых праектаў Mittelyoung, дзе чакаюць артыстаў да 30 гадоў, абяцаюць эканамічную падтрымку і іншыя прыемныя штукі.

   Падпісацца