Усіх, хто цікавіцца кліматам, запрашаюць на вэбінар «Беларусь цяплее»

Прапануюць далучацца ўсім, каму цікава, як змяняюцца тэмпература, ападкі і экстрэмальныя пагодныя з’явішчы, – і чаму гэта не проста статыстыка, але і сігнал для пэўных дзеянняў. Спікеркай выступіць Іра Панядзельнік, навуковая камунікатарка, менеджарка кліматычных праектаў у рэгіёне Усходняй Еўропы, Каўказа і Цэнтральнай Азіі.

Разам са спікеркай можна будзе:

  Абмеркаваць кліматычную палітыку: у сённяшніх абставінах гэта раскоша ці неабходнасць?

  Прааналізаваць, як Беларусь упісваецца ў кліматычны парадак дня свету і якія рашэнні могуць уплываць на будучыню краіны.

  Даведацца пра тое, як змены клімату ўплываюць на наша жыццё: ад ураджаю і эканомікі да здароўя і бяспекі.

Сустрэча адбудзецца ў Zoom. Патрэбная рэгістрацыя – у гугл-форме па спасылцы.