На BBC выйшаў падкаст пра беларускіх шаптух

Шаптанне – гэта бытавая практыка народнага знахарства, з дапамогай якой нашы продкі нібыта маглі вылечваць розныя хваробы, рассейваць сурокі і здымаць праклёны. Існуюць спецыяльныя камбінацыі шэптаў, якія перадаюцца з пакалення ў пакаленне, і некаторыя з гэтых рыфмаваных загавораў захаваліся да нашых дзён.

Вывучыць мастацтва шаптання падахвоцілася журналістка BBC Сахар Занд – яна выправілася ў беларускую вёску Данілевічы, каб пагутарыць з шаптухамі, якія выкарыстоўваюць «медыцыну слова».

У чым заключаецца сіла шаптання, чаму шаптух нельга называць ведзьмамі і як ім удалося данесці гэтыя веды да 2018 года – жанчыны адказалі на ўсе пытанні журналісткі BBC.

Крынiца: BBC