9 спосабаў не прамарнаваць лета
- 19.07.2017
- 7258
Сабралі аскепкі сваіх мараў пра цікавае лета і склалі з іх гайд па цікавых падзеях ліпеня і жніўня. Сёлета ты паспееш і паваланцёрыць, і кіно паглядзець, і музыку паслухаць, і патанчыць як чорт. Чытай наш гайд, каб зарыентавацца!
Праект TheatreHD палюбіўся нам за магчымасць паглядзець спектаклі вядомых ва ўсім свеце тэатраў і опер у якасных запісах і анлайн. Вельмі зручна: можна схадзіць у «Цэнтральны», а пасля з выглядам знаўцы распавядаць пра мастацкія дасягненні Metropolitan Opera. Зараз такое паўторыцца з жывапісам: каманда TheatreHD ладзіць новы праект, які і перанясе цябе ў музейную залю, і дасць падгледзець за жыццём знакамітых мастакоў: у «Цэнтральным» і Falcon Club будуць паказваць дакументалкі і буйнейшыя выставы (таксама на кінаэкране).
Вялікія планы і HD-здымка дазволяць палашчыць позіркам самыя патаемныя мясціны карцін – і ўсё гэта без адрыву ад радзімы і вялікіх фінансавых выдаткаў. Гою ўжо паказалі, але на Мікеланджэла 23 ліпеня ты яшчэ паспееш. А за ім – і Рэнуар, і Манэ (той, які Клод), і рускі авангард!
Дзе: Менск, кінатэатр «Цэнтральны»
Калі: да канца лістапада
Нечакана, але фэст, у назве якога ёсць слова «паці», часам можа быць сур'ёзным. Сёлета блок EDUTAINMENT уключае 7 лекцый на розныя тэмы – ад бізнэсу да ўрбаністыкі і медыя. Шукай на сайце поўны спіс адукацыйных мерапрыемстваў.
Уваход на FSP платны. Пасля 21 ліпеня квіткі няхіла падаражаюць, таму не спі ў шапку!
Дзе: Менск, урбан-парк Dreamland
Калі: 29–30 ліпеня
Дворык Нацыянальнага гістарычнага музея на Маркса – вось дзе зараз віруе сінефільскае жыццё. Лета ў Беларусі мо і не наступіла, а вось «Белкіналета» дакладна здарылася.
Аматары кіно ўжо не першы год сочаць за камандай Cinema Perpetuum Mobile і іх праектам. У гэтым годзе СРМ падрыхтаваў праграму, якая дазволіць паглыбіцца ў беларускую дакументалістыку і асаблівасці сацыяльнага кіно (будзе і вечар на гендарную тэматыку).
Паглядзець поўную праграму можна тут.
Уваход вольны.
Дзе: Менск, Нацыянальны гістарычны музей (К. Маркса, 12)
Калі: ліпень–жнівень
Археалагічны летнік у Крэўскім замку
З дзяцінства марыш пабываць на раскопках, сустрэць аўтэнтычнага беларускага прывіда і паспаць у намёце на гістарычна знакавай зямлі? Гэты летнік можа задаволіць самых неўтаймаваных рамантыкаў.
Дадамо да рамантыкі трошкі фактуры. Летнік запрашае валанцёраў і валанцёрак для пашукова-гістарычнай працы ў Крэве. Жыць прыйдзецца ў намётах (аргі патрабуюць браць з сабой спальнікі). Прадастаўляецца ежа і магчымасць пазнаёміцца з крэўскай лазняй. Тут можна знайсці анкету на ўдзел і спіс рэчаў, якія давядзецца захапіць.
Дзе: а/г Крэва, Смаргонскі раён, Гродзенская вобласць
Калі: 17–30 ліпеня (далучыцца можна ў любы час і на любую працягласць работ)
Калі ты хочаш валанцёрыць, але пакуль не наважваешся глыбока нырнуць у гэтую тэму, то «Валанцёрскі фэст» – найлепшы варыянт. Запаўняеш анкету, абіраеш арганізацыю, якой хочаш дапамагчы, – і спрабуеш рабіць гэта цягам 5 гадзін. Не вельмі складаны чэлендж, які дазваляе выявіць сур’ёзнасць намераў і шырыню магчымасцяў.
Інфа пра арганізацыі, у якіх можна паспрабаваць свае дабрачынныя сілы, ёсць у анкеце на ўдзел. Ад фестывалю DOTYK да галерэі сучаснага мастацтва «Ў». Больш інфы тут.
Дзе: Менск, Культурны цэнтр «КОРПУС», (пр-т Машэрава, 9)
Калі: 11 жніўня
Сярод хэдлайнераў музычнага фэсту ў Лошыцы – Марыя Чайкоўская, Джон Ньюман (гэта ён спявае на папулярных радыёхвалях сваё «Love me again»), Akute і джаз-бэнд De-Phazz.
Акрамя праслухоўвання музыкі, ёсць і іншыя магчымыя актыўнасці: аўдыяфлэшмоб, паласа перашкод, гонкі на бочках і «забавы розных эпох – ад рэтра-забаваў да сучасных гульняў».
У гэтым годзе арганізатары абяцаюць выправіць мінулыя факапы: фуд-корт стане большым, піва будуць наліваць хутчэй, а чэргі да прыбіральняў зменшацца.
Уваход вольны.
Дзе: Менск, Лошыцкі парк (пр-т Чыжэўскіх, 10)
Калі: 12 жніўня
У гэтым годзе ў лайнапе – Рэспубліка Паліна і Jamala. Поўнага спіса музыкаў пакуль няма – на гэты час вядома пра ўдзел вышэйназваных, а таксама 1/2 Orchestra, БХЦ і Ishome. Можа, у бліжэйшы час аргі раскрыюць яшчэ некалі цікавых імёнаў, але, уласна, і гэты спіс ужо спакушае глянуць на квіточкі, якія абыдуцца ў 31,50 BYN.
Дзе: Мірскі замак, г.п. Мір, Карэліцкі раён, Гарадзенская вобласць
Калі: 19 жніўня
Кінавідэапракат вырашыў зладзіць бясплатныя кінапаказы ў Верхнім горадзе – і мы гэта вельмі ўхваляем. Першыя два паказы ўжо прайшлі, але Кінавідэапракат абяцае, што яны не апошнія – сінефільская радасць працягнецца ажно да восені. Сачы за навінамі Кінавідэапраката, каб не прапусціць анонсы.
Дзе: Верхні горад
Калі: ліпень–жнівень
Бразільска-беларускі фестываль стрыт-арту Vulica Brasil не патрабуе шмат словаў – пра яго маўкліва распавядуць муралы Кастрычніцкай вуліцы.
А вось пра валанцёрства дакладна трэба трошкі сказаць. Фэст шукае людзей з рознымі магчымасцямі і кампетэнцыямі. Смела пазначай іх у валанцёрскай анкеце. Дапаможаш зладзіць цудоўную падзею, адчуеш сябе ў віры культурніцкага жыцця, пазнаёмішся з людзьмі – заўсёды цікава аказвацца па той бок вялікага івэнту. Усю праграму так проста не агучыш, лепей зірні
сам(-а).
Дзе: Менск
Калі: 17 жніўня – 3 верасня
Чытаць яшчэ:
Што глядзець на «Лістападзе-2016»
Дзесяць моцных, як валожынская «цукроўка», кінастужак сёлетняга «Лістапада». Версія 34mag.
«Лучшее завтра» – новый сингл «Петли пристрастия»
Свежий постапокалиптичный трек от «Петли» уже у нас. Ура!
На галоўнай:
Як завяршыць год без самапрыніжэння і пачаць новы з яснай галавой? Парады гештальт-тэрапеўткі
«Выйдзі і зайдзі нармальна».
Новы праект пра свядомую моду запрашае на варкшопы ў Варшаве і Тбілісі
Каб зрабіць упрыгожанне на ялінку ці звязаць шопер.
Як зберагчы калектыў ад перагрэву і канфліктаў? Меркаванне сацыятэхніка
І не забываем перадаваць веды новым пакаленням.
Ад «Салюту» да світання: менскі клубны рух другой паловы 1990-х
Росквіт размаітасці і крызісны заняпад.
КАМЕНТАРЫ (3)
унылое хипстерское потре@лядство
Всегда удивляют такие комменты. Это не читал, но осуждаю? "TheatreHD" это потреблядство? Или "Белкіналета"? А, наверное "Археалагічны летнік у Крэўскім замку", там точно полное потреблядство истории и чистого воздуха. Ну и тем, кто использует слова с корнем "хипстер" в 2017 году уже даже лекарства не помогут.
вижу к слову унылое у вас претензий нет, сойдемся тогда на - унылые мероприятия для типа творческо-культурной молодежи.