Minsk-California Groove Dealers

 

Groove Dealers пра рэліз:

Як адказны індзі-гурт, які працуе над матэрыялам, канцэпцыяй і гучаннем, мы паставілі сабе мэту – «Песня года Беларусі». Бо толькі там (і на «Славянскім базары») нас змогуць па праве ацаніць. Таму мы пачынаем наш шлях з гэтай EP: кожная кампазіцыя тут у сіле ўпрыгожыць любое дзяржаўнае свята ці карпаратыў.

Дадзены міні-альбом перапоўнены болем, надзеяй і хмельнай весялосцю. Песні закранаюць важныя псіхалагічныя механізмы – паспрабуй тут застацца ранейшым пасля праслухоўвання. Пяшчотны і меладычны вакал, які часам пераходзіць у фірмовы лепсаўскі рык, прымусіць пачуць і зразумець перажыванні лірычнага персанажа, а модная аранжыроўка, натхнёная «Песнярамі» і гуртом «Грыбы», дазволіць пусціцца ў нязмушаны дэнс. Усё ў лепшых традыцыях беларускай эстрады і па яе канонах.

Спадзяемся, што неўзабаве нам дадуць «народных».

P. S. Слухайце прадузята і чытайце між радкоў. Што можа быць горш?! Марыць пра мора, не выбіраючыся з лужыны.

 

Асобную падзяку музыкі выказваюць Мікалаю Старажуку і студыі DoReMi за дапамогу ў запісу і студыйнай працы, Electrofood Ch – за крутыя скрэтчы.

Лаві Groove Dealers на фестывалі Viva Braslav 3 жніўня!

 

 

Калі жадаеш прасякнуцца глыбей менска-каліфарнійскім вайбам, пачытай інтэрв’ю з Groove Dealers (кароткаметражка – ва ўкладышы), а таксама паглядзі лайв-відэа з іх сольнага канцэрта ў Re:Public.

 

 Groove Dealers у сеціве:

VK   |   Soundcloud   |   Instagram

 

Вокладка – La Chatte Fantastique. Фота – Таня Капітонава

DOWNLOAD 44 МБ