5 карысных ютуб-каналаў для звядзення і мастэрынгу

Запіс трэкаў – такая рэч, якую сёння кожны можа лёгка зрабіць дома. Але пытанне якаснага гуку – адзін з галоўных слупоў і падводных камянёў, бо не дастаткова толькі націснуць кнопку rec. Як у хатніх умовах звесці і адмастэрыць свой трэк так, каб ён гучаў, нібы з Abbey Road? «Пяршак» сабраў для цябе некалькі годных ютуб-каналаў, якія патлумачаць, што трэба рабіць з эквалайзерам, лімітэрам, максімайзерам ды іншымі штукамі, каб атрымаць сучасны і якасны гук. Сядай утульней!

 

 

 Medialife 

 

 

Гэты канал прысвечаны камерцыйнай электроннай музыцы. Аўтар працуе ў FL Studio, таму можна знайсці шмат тлумачэнняў канкрэтна па гэтай праграме. Але таксама ў даходлівай форме на канале разбіраюцца агульныя для ўсіх гукарэжысёраў пытанні працы з рознымі плагінамі. Напрыклад, тут знойдзеш інфу як пра Melodyne і ажыўленне трэка, так і пра мастэрынг электронікі. Нягледзячы на скіраванасць канала, веды з яго ў той ці іншай ступені можна выкарыстаць для любога стылю.

 

  Спасылка на канал

 

 

 

 Reaper 5 Russia 

 

 

Канал па канцэпцыі скіраваны на працоўную аўдыястанцыю Reaper, якая набывае ўсё большую папулярнасць у апошні час. Reaper 5 Russia – гэта выключна рускія пераклады замежных каналаў Reaper Blog і Reaper Mania. І ў адрозненне ад папярэдняга прыкладу, тут усё выключна пра Reaper, дзякуючы чаму можна ў падрабязнасцях пазнаёміцца з амаль усімі функцыямі і магчымасцямі гэтага рэдактара. Зрэшты, пару відэа з агульнымі парадамі для ўсіх і музычнай тэорыяй таксама знойдзеш.

 

  Спасылка на канал

 

 

 

 Stereodamage і перадача «Волна» 

 

 

Гэта канал вядомага расійскага гітарыста-віртуоза Сяргея Табачнікава. У кантэксце тэмы постапрацоўкі нам будзе цікавы не ўвесь ён, а адна перадача – «Волна». Калі папярэднія прыклады ў нашай падборцы былі вузка скіраваныя на пэўных момантах, то ў гэтай перадачы шырока ахоплена ўся тэма гукарэжысуры з яе сутнасцю і падмуркам. Тут ідзе размова і пра эквалізацыю, і пра тыпы мікрафонаў для запісу, і пра кампрэсію, і пра шмат чаго іншага. Таксама асобна паказаны працэс звядзення і мастэрынгу ад гукарэжысёра. Патлумачана і як запісваць жывыя інструменты. Каб удасканаліць веды, варта пераглядаць нават тым, хто даўно ў тэме. Аднак будзь асцярожны(-ая) і не згубіся ў шалёным гумары Табачнікава, бо ўсё вышэйпералічанае расказваецца з фірмовай падачай.

 

  Спасылка на перадачу

 

 

 

 Sean Divine 

 

 

Англамоўны канал, на якім неверагодная колькасць прыкладаў працы з разнастайнымі плагінамі, прынцыпаў выбару тых ці іншых эфектаў для, напрыклад, голасу, аглядаў апаратуры і напісання бітоў. Асабліва да густу прыйдзецца рэперам, бо аўтар у большасці выпадкаў працуе менавіта з хіп-хопам. Значны плюс тут у тым, што ўсе відэа заўсёды з прыкладамі, так што, нават калі ты не паліглот, усё адно пабачыш вачыма, што круціць, каб правільна пакласці рэвёрб на вакал.

 

  Спасылка на канал

 

 

 

 Wikisound 

 

 

Можна сказаць, што па сваёй сутнасці wikisound падобны да Sean Divine, бо тут таксама ёсць агляды, напэўна, усіх магчымых спосабаў апрацоўкі аўдыя з самымі рознымі плагінамі. Акрамя таго, аўтар робіць цэлыя бясплатныя відэакурсы па тых ці іншых прыёмах звядзення, папулярных плагінах, разнастайных сінтэзатарах і розных аўдыярэдактарах. Таксама ёсць агляды апаратуры для работы з гукам. Варта адзначыць, што аўтар вельмі дасканала падыходзіць да тлумачэння прынцыпаў працы тых ці іншых эфектаў і сваіх дзеянняў. Канал рускамоўны.

 

  Спасылка на канал

 

 

 

Што яшчэ можа быць карысным:

 Pro Audio Files  – туторыялы, якія тлумачаць, як пісаць, зводзіць і мастэрыць трэкі ў Pro Tools.

 Michael White  – персанальны ютуб-канал гукарэжысёра Майкла Ўайта, які працаваў з пачатку 80-х з такімі зоркамі, як Ўітні Х’юстан, Мадона, Duran Duran, і іншымі. На канале Майкл дае парады як пачаткоўцам, так і самым наварочаным прафесіяналам.

 Pensado's Place  – ютуб-канал яшчэ аднаго гуру саўнд-інжынірынга. Грэміносец Дэйв Пенсанда ў штотыднёвым шоу распавядае пра інсайты сваёй кар’еры і пра тое, як атрымаць гук «плацінавай плыткі». Highly recommend!

 Point Blank Music School  – лонданскі музычны каледж, які выкладае некаторыя курсы анлайн, а таксама дэканструюе вядомыя трэкі, напрыклад легендарную «Unfinished Sympathy» ад Massive Attack.

 MixbusTV  – ютуб-канал, прысвечаны прафесійнаму звядзенню і мастэрынгу. Тут распавядаюць пра малавядомыя фічы па апрацоўцы голасу, а таксама пра тое, як прымусіць твой бюджэтны драм-кіт гучаць гэтак жа, як прафесійная барабанная ўстаноўка.

 The Recording Revolution  – канал пра работу ў хатняй студыі.

 Gearslutz  – афіцыйны ютуб-канал кам’юніці аўдыяінжынераў і прадзюсараў Gearslutz.com. Тут, хутчэй, пра жалеза.

 Fabfilter  – а тут распавядаюць выключна пра FabFilter – набор плагінаў для дынамічнай апрацоўкі гуку. Вельмі раім!

 

КАМЕНТАРЫ (1)

Урод
Урод | 23.07.2018 00:44

Раю яшчэ ТГ-канал: https://t.me/universe_breeze

2 0 +2
Прэзентацыя сінглу: Nine – Слышу тебя

Прэзентацыя сінглу: Nine – Слышу тебя

Дэбютная песня беларускай соўл-спявачкі Nine з idm-тэкстурамі.

Саўнд-сістэма: мабільная дыскатэка з Ямайкі

Саўнд-сістэма: мабільная дыскатэка з Ямайкі

Кароткая гісторыя саўнд-сістэм: ад ямайскіх піянераў да беларускай Dub Rovah Soundsystem.

Прэзентацыя кліпа: Tempo Bay – Disco Ball

Прэзентацыя кліпа: Tempo Bay – Disco Ball

Гангстар-меламан стварае гурт мары – у дэбютным кліпе менскага індзі-дэнс-дуэта.

Главные концерты полугодия: кого послушать в Минске?

Главные концерты полугодия: кого послушать в Минске?

25 отборных концертов, которые пройдут в Минске в первой половине 2018-го.

5 инструментов, на которых сможет играть каждый

5 инструментов, на которых сможет играть каждый

Калимба, казу, сямисэн и еще два инструмента, которые «бери и играй»!

F*nk them all: фоторепорт с первого сольника Groove Dealers

F*nk them all: фоторепорт с первого сольника Groove Dealers

Бэк- и фронтстэйдж-репорт с оголтелого концерта молодой рагга-фанк-команды в Re:Public.

Прэзентацыя сінглу: Akute – Усе песні спетыя

Прэзентацыя сінглу: Akute – Усе песні спетыя

Сінтэзатарная куля ад магілёўскіх дэкаданс-рокераў.

Новые альбомы: Fall Out Boy, First Aid Kit и Porches

Новые альбомы: Fall Out Boy, First Aid Kit и Porches

8 свежих пластинок этой недели: от шведского фолка до рок-н-ролла 70-х.

Фанк соул бразерс: интервью с Groove Dealers

Фанк соул бразерс: интервью с Groove Dealers

Молодая рагга-фанк-группа – о том, как играть концерты, после которых вправляют суставы.