Кароткі нарыс гісторыі Foundamental Network

 

Працягваем збіраць мазаіку ўспамінаў культавых прома-каманд Беларусі. Пасля эпічнага фоталетапісу Euthanasia Promo настала чарга групоўкі эксперыментальных артыстаў, музыкаў, перформераў пад назвай Foundamental Network. Рабяты ў гэтую суботу адзначаюць дзесяцігоддзе дзвіжу, а мы пакуль успамінаем, чаму ў Беларусь не прыехаў Deadbeat, хто першымі з нашых выступіў у Boiler Room і як арганізаваць маштабны фестываль, на які прыязджаюць сусветныя зоркі кшталту Бэна Фроста і Роберта Хенке з Monolake.

 

Інтэлігентныя панкі

Гісторыя Foundamental Network пачалася ў 2008-м, калі некалькі сяброў, якія называлі сябе Intelligent Punks, вырашылі прывезці ў Менск сваіх любімых артыстаў: Frank Martiniq (01/2008), Mikkel Metal (05/2008), Frivolous (10/2008). Да гэтага IPunks пару гадоў рабілі вечарыны ў барах і катэджах.

 Віктар Камянецкі (Victor Orb), заснавальнік Foundamental: 

Першапачаткова ў нас была тусоўка з 6-8 чалавек, мы рабілі толькі вечарынкі, аднак жадалі развівацца далей. Было вырашана заснаваць супольнасць, сайт, праект, дзе мы б збіралі музыкаў, відэаартыстаў, мастакоў, графікаў разам, пісалі пра іх артыкулы і рэкламавалі мерапрыемствы з імі. Таму і назвалі свой праект Found A Mental, праводзячы паралель з Пошукам Розуму, сэнсу і ідэй. Далей лагічна адкрыўся лэйбл Foundamental Network, дзе выкладаліся запісы выступаў у выглядзе падкастаў і альбомаў артыстаў.

Першыя вечарыны каманды Intelligent Punks / Foundamental праходзілі ў клубах Step і Fabrique. Артыстаў пасля сэтаў проста насілі на руках!

 

Ад пачатку групоўка зрабіла стаўку на беларускіх музыкаў і хутка згуртавала вакол сябе некалькіх рэзідэнтаў: Artem Atrashevsky (B_Twisted), I/DEX, Parametric, Pavel Ambiont, Sanytch, Uncou. Восенню 2008-га каманда парэкамендавала арганізатарам менскага Unsound Festival сваіх артыстаў для сумеснага дыска Connections: Pole запісаўся з I/DEX, Pinch з Pavel Ambiont, а на фэсце спантанна нарадзіўся спэйс-даб-рок-дуэт Nerdy Dubs.

Міжнародная супраца працягнулася. У 2008-2011 гадах артысты і куратары лэйбла прэзентавалі беларускую сцэну на Unsound Festival ды іншых івэнтах у Кракаве, Варшаве, Познані і Нью-Ёрку, а ў Брысталі Pinch з Pavel Ambiont запісалі яшчэ адзін трэк і выдалі пласцінку.

 

 

У лютым 2009-га, калі беларускія арганізатары Unsound Улад Бубен і Зміцер Ладзес ініцыявалі ўласны эксперыментальны фэст InTouch, Foundamental распрацавалі дызайн і арганізавалі другую ноч фэсту ў клубе Fabrique з вядомымі замежнікамі Signal, Mika Vainio, Pomassl, PTU ды рэзідэнтамі суполкі.

 

Вясной 2009-га Віктар Камянецкі публікуе маніфест DIY-сеткі Foundamental (ТОК #6, 2009, старонка 36):

Мы паспрабуем вывесці эстэтыку DIY на якасна новы ўзровень. Гаворка ідзе пра глабальную DIY Network са сваёй арміяй творцаў (мастакоў, музыкаў), якім і наканавана пашырыць рамкі беларускага ўспрымання рэчаіснасці. Мы пойдзем да канца і будзем прапагандаваць гэтыя прынцыпы існавання. Мы не будзем чакаць, пакуль хтосьці пачне рабіць якасныя канцэрты і выставы ў нас у горадзе, выдаваць музыку ці часопісы, займацца асветніцкай дзейнасцю. Не будзем чакаць, калі нехта зверне ўвагу і адкрые ўсяму свету беларускія таленты, якія скрытыя пад нябачным каўпаком абсалютнага анальнага ўтрымання [...] наш новы праект стане кусачкамі, якія перарэжуць калючы дрот, што адмяжоўвае людзей ад усяго цудоўнага, што ёсць у нашай краіне. Мужайцеся, снобы, бо вам няма чаго губляць – апроч вашых загарод з калючага дроту.

Суполка запрасіла ў Менск Vladislav Delay (Uusitalo) і Deadbeat, але апошні двойчы пракінуў беларусаў, ці то праспаўшы, ці то паленаваўшыся бегчы на самалёт. Што праўда, лакальныя артысты далі жару не горш за госця, што і ўмацавала веру ў тутэйшыя таленты.

Запуск уласнага інтэрнэт-лэйбла для Foundamental стаў лагічным крокам. Увосень 2009-га выйшла першая зборка «Mental Contact». У наступныя гады FNET выпусціў 19 альбомаў і EP пераважна беларускіх артыстаў. Для рэлізаў лэйбла майстэрынг робіць Віталь Гармаш, адзін з найлепшых беларускіх электронікаў. Акрамя нумарных рэлізаў, выйшла 12 падкастаў ад рэзідэнтаў і сяброў лэйбла.

 

Крызіс 2011 года збіў абароты клубных вечарын, але эксперыментальныя канцэрты, выпуск музыкі і публікацыі артыкулаў не спыніліся. Музыкі FNET у гэты час гралі ў Літве, Латвіі, Польшчы, Іспаніі ды Італіі. Суполка робіць усё больш сур’ёзных канцэртаў «для слухання».

 

 

Візуальны паварот

У верасні 2011-га каманда Foundamental – Віктар Камянецкі, Юлія Кавязіна, Вольга Салахеева і Павел Няхаеў – дапамагла італьянскім арганізатарам і галерэі «Ў» зладзіць міжнародную мегасходку відэаартыстаў Live Performance Meeting.

Дзесяць месяцаў падрыхтоўкі, практыка ў Рыме, сотні мэйлаў і заявак – у выніку ў Менск прыехала каля 120 артыстаў з 20 краін: віджэі, музыкі, відэахакеры і мультымедыйныя тэатры, крэатыўныя лайв-кодары, эксперыментальныя паэты і распрацоўшчыкі цялесна-музычных інтэрфейсаў.

 

«Мітынг жывых перформераў» даў моцнага штуршка беларускай лайв-відэасцэне. Паспрабаваўшы свае сілы нароўні з замежнікамі, абмяняўшыся скіламі ды ідэямі, нашы віджэі і маперы сталі вандраваць па замежных фэстах ды нашмат актыўней свяціць праектарамі тут.

Аўдыявізуальныя праекты Alexei De Bronhe і Юліі Кавязінай, VJ Solar Olga & Pavel Ambiont, выступы Uncou, вялікі еўрапейскі тур I/DEX з польскімі аналагавымі візуальшчыкамі – FNET становіцца лэйблам/прома-групай з самай шырокай геаграфіяй выступаў беларускіх артыстаў.

 

Artes Liberales, Boiler Room і Mental Force

З 2012-га пад эгідай Foundamental праходзіць музычная праграма на штогадовым адукацыйным фэсце Artes Liberales, дзе куратары аўдыявізуальнай праграмы, удзельнікі FNET Павел Няхаеў і Вольга Салахеева, арганізуюць лекцыі, варштаты і дыскусіі пра лакальную электронную сцэну, канцэрты і кінапаказы з жывой агучкай, на якіх граюць эксперыментальныя артысты з Беларусі і Усходняй Еўропы: Echo Chorus (LV), Ала Загайкевіч (UA), Poly Chain (UA/PL), Grupa Etyka Kurpina (PL), Канстанцін Яськоў і Алесь Цурко, Uncou, AORTHA і Вольга Гапеева, Hamlet His Highness, Аляксей Усіновіч і Арцём Атрашэўскі ў Планетарыі, I/DEX, ISM.

 

У 2012-2013-х артысты і актывісты суполкі працягваюць прэзентаваць лэйбл і беларускую сцэну на новых замежных фэстах і канферэнцыях, рэкамендуюць замежным прамоўтарам беларускіх і ўсходнееўрапейскіх артыстаў ды выпускаюць англамоўны гайд Belarus Electronic Music: Intro.

У 2014-м каманда цалкам саспела, каб заснаваць свой фэст электроннай музыкі і лайв-відэа. Фестываль Mental Force атрымаў назву ад сяброўскіх лэйблаў-арганізатараў – Foundamental Network і Force Carriers – і ўпершыню прайшоў у траўні 2015-га з удзелам Robert Henke & Tarik Barri ды абоймы беларускіх аўдыявідэаартыстаў.

 

У тым жа 2015-м прадстаўнікі суполкі прэзентуюць беларускую тэхна-сцэну на канферэнцыі прамоўтараў з Усходняй Еўропы, падчас якой упершыню на Boiler Room выступаюць беларускія артысты Pavel Ambiont, Energun.

 

 

Другі выпуск Mental Force прайшоў вясной 2017-га ў супрацы з Unsound і Інстытутам Гётэ, праектам «Мечта» і канферэнцыяй Create IT. Unsound Dislocation x Mental Force прайшоў з супермоцным інтэрнацыянальным лайнапам (Ben Frost & MFO, Kanding Ray, Atom™, Stanislav Tolkachev, Xosar, Stellar Om Source, Jacaszek, Dtekk, Buttechno), спецпраектамі, прысвечанымі пісьменніку Сакрату Яновічу і мастаку Язэпу Драздовічу, насычанай інтэлектуальнай і медыйнай праграмай фэсту. Чытай гісторыю фестывалю, а таксама рэпорт з першага дня фэсту.

 

***

На гэтым гісторыя працягваецца. Стваральнікі Foundamental пакуль не хочуць казаць пра канкрэтныя планы, але абяцаюць новыя канцэрты, рэлізы і крутыя прывозы. А пакуль шчыра запрашаюць у гэтую суботу на вечарыну «Спелость», дзе яны адзначаць дзесяцігоддзе групоўкі, а таксама дзень народзінаў адной з заснавальніц Юлі Кавязінай. Граюць рэзідэнты і сябры лэйбла: Elena Sizova, I/Dex (Live), Morgotika, Pavel Ambiont (Live) і Skyfarma (Live). Лакэйшн – «Молодость» (вул. Інтэрнацыянальная, 21). Уваход – 5-10 BYN

 

 Квіткі 

Фота з асабiстага архiву групоўкi, а таксама Аляксандр “Таранціна” Ждановіч, Вікторыя Харытонава, Юля Васільева, Андрэй Славінскі.

КАМЕНТАРЫ (1)

foundamental network
foundamental network | 9.04.2018 19:41

Дзякуй!

4 1 +3
Гайд по беларусским фестивалям-2020 (который будет обновляться)

Гайд по беларусским фестивалям-2020 (который будет обновляться)

Это будет очень хорошее лето.

Кричат дома. Успех «Молчат дома» глазами преподавателя Университета Манчестера

Кричат дома. Успех «Молчат дома» глазами преподавателя Университета Манчестера

Мы попытались разобраться в причинах успеха минской группы – и поняли, что нужен взгляд со стороны.

12 главных песен января

12 главных песен января

Преображение фронтмена «Без Билета», беларусский поп, новый Корж – и не только.

7 полезных телеграм-каналов для музыкантов

7 полезных телеграм-каналов для музыкантов

Подпишись, чтобы сделать свою карьеру чуть проще.

Привет со дна. Как я сходил на «Песню года – 2020»

Привет со дна. Как я сходил на «Песню года – 2020»

Экспедиция в загробный мир прошла успешно.

Free Love. У Бакея вышел клип «Наслаждение»

Free Love. У Бакея вышел клип «Наслаждение»

Поговорили с участниками и создателем клипа о любви, свободе и проблеме гомофобии.

Навагоднія міксы 2020

Навагоднія міксы 2020

Дзевяць музычных кактэйляў, адмыслова замешаных для 34mag сябрамі ды рэзідэнтамі Radio Plato.

15 лучших беларусских альбомов 2019 года

15 лучших беларусских альбомов 2019 года

И лучшим альбомом-2019 по версии «Першака» становится...

Dee Tree и минский госпел-хор дарят тебе новогоднее настроение

Dee Tree и минский госпел-хор дарят тебе новогоднее настроение

Фанк, госпел, Новый год!