Chornabrova едзе ў тур па Польшчы
Беларуская артыстка Chornabrova анансавала польскі тур з презентацыяй альбома «Sarmatyja», што быў створаны на базе тэкстаў Марыі Мартысевіч.
«Sarmatyja» – гэта гучнае выказванне пра актуальнае і вечнае: Chornabrova закранае ў ім тэмы міграцыіі, сэксуальнасці, Эраса і Танатаса, дзеліцца сваім асабістым болем і пачуццямі.
Паслухаць альбом можна па спасылцы. Паслухаць нажывую – у польскіх гарадах за данейшан ад 15 злотых (частка сродкаў пойдзе на дабрачыннасць). Вось расклад:
20.11 – Warszawa, Karma 20:00
22.11 – Kraków, Sekta Selekta 20:00
25.11 – Poznań, Bar MY 20:00
26.11 – Gdańsk, Karma + online 20:00
28.11 – Białystok, Sześcian Pub 18:00
Таксама можна будзе далучыцца да анлайн-трансляцыі за электронны данат. За спасылкай грукайся ў дырэкт артысткі. Навіны тура зручна адсочваць у тэлеграм-канале.
Нагадаем, што пад псеўданімам Chornabrova музычную кар’еру будуе экс-актрыса Музычнага тэатру ў Менску і рэжысёрка эсперыментальнай сцэны Паліна Дабравольская (на яе рахунку – ужо 7 пастановак). Яе музыка – таксама эксперымент, сумесь дарк-хопу, фальклорных матываў і электронных бітоў з канцэптуальнымі, глыбокімі тэкстамі. Дэбютная плытка Паліны «Слова» выйшла ў 2021-м.
