Вакансіі: vol.14

«Бинокль» – гарадскі часопіс у Берасці і разам з тым пухнаты коцік. За кароткі тэрмін бадзёрая каманда здолела прыцягнуць увагу тысяч берасцейцаў, а цяпер хоча выбудоўваць партнёрскія адносіны з мясцовым бізнэсам. Для гэтага шукаюць менеджара па продажах. Са свайго боку прапануюць афіцыйнае працаўладкаванне, заробак «без столі» з акладу і бонусаў і аплачвальную стажыроўку. Гоў у Берасце?

 

Асноўныя патрабаванні да менеджара па продажах:

камунікацыя з кліентамі «ў полі» (па гатовай базе);

распрацоўка эфектыўных прапаноў па прасоўванні;

праца з дакументамі;

уменне коратка і пераканаўча распавядаць пра што заўгодна;

цікаўнасць да маркетынгу і бізнэсу.

 

  Лакацыя: Берасце.

 Кантакты: Сайт | FB | VK | Instagram |  Twitter | OK

 

Капірайтар. PRKVADRAT

 

Маркетынг уцягвання – гэта, бадай, тая самая чарапаха, на якой трымаецца фундамент рэкламнай агенцыі PRKVADRAT. У каралеўстве дыджыталу пануе свабода самавыяўлення, таму і рэзюмэ на пасаду крэатыўнага капірайтара прапануюць дасылаць у свабоднай форме. Калі такі пачнеш кіраваць маленькімі выбухамі інтэлектуальных аргазмаў, то зможаш падысці да вакна бара ў офісе кампаніі на Кастрычніцкай і ўсміхнуцца свайму адбітку.

 

Асноўныя патрабаванні да капірайтара:

вытворчасць вытанчаных словаформ;

удзел у распрацоўцы стратэгій праектаў;

праектаванне і кіраванне маленькімі выбухамі інтэлектуальных аргазмаў.

 

Лакацыя: Менск.

Кантакты: Сайт | FB | Пошта mg@pr2.by

 

Сакратар. Беларускае грамадскае аб’яднанне фатографаў

 

Беларускі саюз фатографаў шукае сакратара, памочніка кіраўніка, твар і душу аб’яднання – і гэта ўсё вакансія для аднаго чалавека! Неабыякавасць да фатаграфіі і выдатны мастацкі густ – прахадны квіток у свет візуальнага кам’юніці. Працаваць будзеш у офісе на Пушкінскай з 11:00 да 17:00. Прапануюць перспектывы, абмежаваныя толькі тваёй фантазіяй.

 

Асноўныя патрабаванні да сакратара:

сярэдне-спецыяльная або вышэйшая адукацыя;

базавае знаёмства са справаводствам;

аналітычны склад розуму;

уважлівасць да лічбаў, уседлівасць;

наяўнасць агульнага ўяўлення пра фатаграфію, добры мастацкі густ;

веданне MS Office (асабліва Excel);

базавыя навыкі капірайтынгу і напісання інфармацыйных тэкстаў;

вядзенне інфармацыйнай рассылкі;

папяровая і электронная перапіска;

суправаджэнне спісу сябраў аб’яднання.

 

Лакацыя: Менск.

Кантакты: Сайт | FB | VK | Пошта phunionby@gmail.by (тэма «Вакансія сакратара»)

 

SMM-спецыяліст. Wunder

 

У каманду рэкламнай дыджытал-агенцыі шукаюць любімца кліентаў і ўладара тэндараў. Калі ты пачуваешся ў сацсетках як рыба ў вадзе, валодаеш глыбокімі тэарэтычнымі ведамі і можаш падмацаваць іх класным партфоліа, у Wunder цябе палюбяць. Абяцаюць брэйнстормы, карпаратывы, гарбату/каву ў офісе і нават кандыцыянер, які працуе!

 

Асноўныя патрабаванні да SMM-спецыяліста:

вопыт маркетынгу ў сацсетках;

навыкі капірайтынгу, выдатнае валоданне рускай мовай;

уменне інтэграваць розную інфармацыю з розных сфер;

распрацоўка стратэгіі прасоўвання ў сацыяльных сетках і блогасферы;

праца з «лідарамі меркаванняў»;

вядзенне акаўнтаў і мадэрацыя груп у сацсетках;

аналіз рынку і канкурэнтаў

 

Лакацыя: Менск.

Кантакты: Сайт | FB | Пошта info@wunder.by

 

Метрдатэль. Cafe de Paris

 

Café de Paris – гэта гісторыя пра l’art de vivre. Калі хочаш прымаць гасцей у элітным французскім рэстаране і частаваць іх фуа-гра ды «Нісуазам» пад плэй-ліст ад Мары Лафарэ да Шарля Азнавура, гэтая вакансія для цябе. Графік – зменны, харчаванне – карпаратыўнае, лакацыя – на Маркса. Bonne chance!

 

Асноўныя патрабаванні да метрдатэля:

вопыт працы адміністратарам/менеджарам у сферы харчавання як мінімум паўгода (або 2 гады працы афіцыянтам);

веданне касавага апарата;

веданне прынцыпаў працы персаналу рэстарана;

курыраванне змены афіцыянтаў;

навучанне персаналу;

кантроль працы персаналу;

праца з касай і дакументамі.

 

 Лакацыя: Менск.

Кантакты: Сайт | FB | Instagram | Пошта nm@malsim.com

 

Галоўны бухгалтар. «Ахова птушак Бацькаўшчыны»

 

Калі коратка, то грамадская арганізацыя «Ахова птушак Бацькаўшчыны» за птушак і біяразнастайнасць. Экалагічны рух паспяхова ладзіць акцыі і кампаніі, прычым не абмяжоўваецца птушкамі. Цяпер арганізацыя прапануе вакансію галоўнага бухгалтара, які будзе на «ты» з дэбетам і крэдытам.

Дэдлайн падачы рэзюмэ – 9 красавіка.

 

Асноўныя патрабаванні да галоўнага бухгалтара:

вышэйшая эканамічная адукацыя;

вопыт працы галоўным бухгалтарам не менш за тры гады;

досвед працы з міжнароднай тэхнічнай і замежнай бязвыплатнай дапамогай;

пажаданы досвед працы галоўным бухгалтарам у грамадскай арганізацыі;

валоданне рускай, беларускай і англійскай мовамі;

досвед кіраўніцтва аддзелам.

 

Лакацыя: Менск.

Кантакты: Сайт | FB | VK | Twitter | Instagram | Youtube | Пошта vintchevski@ptushki.org

 

Event-менеджар. Музей навук «Квантум»

 

«Квантум» – забаўляльна-пазнавальны музей навукі. У Беларусі другога такога праекта няма. Законы фізікі і хіміі тут тлумачаць на пальцах, простай мовай і з эфектным візуалам. У каманду шукаюць спецыяліста, які дапаможа музею стаць лепш. Калі ты – чалавек-свята-якое-заўжды-з-табой, то падчас працы будзеш ладзіць святы, майстар-класы, Дні Тэслы і Гагарына. А яшчэ можна эксперыментаваць і абсалютна законна што-небудзь узрываць. Карацей, мы папярэджвалі.

 

Асноўныя патрабаванні да event-менеджара:

вопыт працы event-менеджарам;

распрацоўка і арганізацыя тэматычных мерапрыемстваў;

навучанне персаналу для правядзення мерапрыемстваў;

распрацоўка сцэнарыяў святаў.

 

Лакацыя: Менск.

Кантакты: Сайт | FB | Пошта info@kvantum.by

 

 

Распрацоўшчык. TDI Group

 

TDI Group – рэкламная агенцыя, якая не раз трапляла ў розныя ТОПы. Сакрэт фірмы – у эфектыўных рашэннях, асабістым росце і бязмежнай фантазіі. Кампанія распрацоўвае гульню ў 3D з элементамі дапоўненай рэальнасці. Геймплэй гульні будзе пастаянна павялічвацца, таму ў каманду шукаюць дасведчанага распрацоўшчыка.

 

Асноўныя патрабаванні да распрацоўшчыка:

вопыт распрацоўкі мабільных аплікацый;

вопыт распрацоўкі на C #: ад года;

вопыт працы з Unity 3D;

разуменне прынцыпаў ААП і патэрнаў праектавання;

разуменне прынцыпаў вёрсткі GUI;

акуратнасць, уменне пісаць чысты код, пачуццё прыўкраснага;

веданне англійскай мовы.

 

Лакацыя: Менск.

Кантакты: Сайт | FB | Twitter | Youtube | Пошта lesyn@tdi.by

 

Каардынатар мясцовых ініцыятыў. «Экапартнёрства»

 

Яшчэ адна «зялёная» вакансія ў падборачцы. Недзяржаўная некамерцыйная арганізацыя працуе для захавання навакольнага асяроддзя. Місія «Экапартнёрства» – вырашаць экалагічныя праблемы ў партнёрстве. Калі ты адчуваеш сябе здольным(-ай) змяняць свет да лепшага, звярні ўвагу на гэтую вакансію. Тэрмін дамовы – з красавіка 2017 па снежань 2018. З прыемных бонусаў цябе чакаюць камандзіроўкі па родненькай Беларусі.

Дэдлайн падачы рэзюмэ – 24 красавіка.

 

Асноўныя патрабаванні да каардынатара:

вышэйшая адукацыя;

вопыт працы ў міжнародных праектах не менш за тры гады;

навыкі менеджменту праектаў;

наяўнасць вадзіцельскіх правоў і ўласнага аўтамабіля (пераважна);

кансультаванне НДА;

камунікацыя і суправаджэнне мясцовых ініцыятыў;

маніторынг дзейнасці мясцовых ініцыятыў;

падрыхтоўка зводных справаздач аб дзейнасці мясцовых ініцыятыў.

 

 Лакацыя: Менск.

Кантакты:  Сайт | FB | Пошта na@ecopartnerstvo.by

 

Спецыяліст па працы з кліентамі. KASUMI

 

KASUMI – крама японскіх нажоў. Калі ты гуру продажаў і можаш збыць каму заўгодна не толькі асадку, але і прэміяльнае японскае лязо, гэтая прапанова стоадсоткава для цябе. «Чым вышэй вашы здольнасці, тым вышэй наша падзяка», – кажуць яны. У бусідо такога правіла не знойдзеш, а на беларускім рынку працы яно нярэдка руліць.

 

Асноўныя патрабаванні да спецыяліста па працы з кліентамі:

вопыт працы ў гандлі, рэкламе, актыўных продажах;

камунікабельнасць / высокія камунікатыўныя навыкі;

мэтанакіраванасць і жаданне навучацца;

продаж тавараў прэміяльнай якасці;

праца з пастаяннымі кліентамі;

кансультаванне кліентаў;

праца з касавым апаратам;

раскладка прадукцыі, улік тавару;

падтрыманне чысціні і парадку на працоўным месцы.

 

Лакацыя: Менск.

Кантакты: Сайт | FB | VK | Instagram | Twitter

 

Стажор у HR-падраздзяленне. Coca-Cola

 

Калі гараць вочы і жаданне спазнаваць дзівосны новы свет эйчар-менеджменту б’е праз край, чэкні стажыроўку ў Coca-Cola. Праўда, стажыроўка не аплачваецца, але за тры-чатыры гадзіны работы штодзень атрымаеш мора каштоўнага вопыту.

 

Што будзе рабіць стажор:

шукаць рэзюмэ кандыдатаў;

праводзіць тэлефонныя гутаркі;

працаваць з інтэрнэт-рэсурсамі па пошуку кандыдатаў;

удзельнічаць у арганізацыі карпаратыўных мерапрыемстваў.

 

Лакацыя: Менск.

Кантакты: Сайт | Пошта by_personnel@cchellenic.com

 

Красавіцкі бонус: дзелімся двума галоўнымі мерапрыемствамі для прафесіяналаў і тых, хто хоча імі стаць, дзе можна завесці новыя кантакты і адшукаць працу мары.

Pitch Bootcamp Minsk

 

Еўрапейская адукацыйная праграма, дзе за два насычаныя дні можна няхіла пракачаць прафесійныя скілы і крыху вырасці. У нефармальнай абстаноўцы цябе чакаюць крэатыўныя задачкі, новыя веды і сустрэчы з сапраўднымі віртуозамі сваёй справы. У першы дзень падчас трэнінгаў удзельнікаў будуць вучыць, як стаць кандыдатамі на мільён. У другі дзень прадстаўнікі кампаній прыйдуць знаёміцца і ханціць перспектыўных кандыдатаў. Рэгіструйся на мерапрыемства.

 

Дата: 21–22 красавіка

Лакацыя: Менск

 

Venture Day Minsk

 

Буйны стартап-івэнт і канферэнцыя. Тут сустракаюцца і абменьваюцца ведамі і досведам лідары беларускага стартап-кам’юніці і міжнародныя інвестары. Сёлета на сцэну выходзяць выбітныя спікеры з гарачымі тэмамі. Напрыклад, прадстаўнікі Wargaming, IBM, EPAM і MSQRD.

 

Дата: 12 красавіка

Лакацыя: Менск.